کیرالہ: سیلاب کے دوران اب تک 357 اموات، ریڈ الرٹ ختم

Source: S.O. News Service | By Shahid Mukhtesar | Published on 19th August 2018, 11:28 AM | ملکی خبریں | ان خبروں کو پڑھنا مت بھولئے |

ترواننتھاپورم19؍اگست(ایس او نیوز؍ایجنسی) کیرالہ میں ہفتہ کے روز سیلاب سے 33 مزید افراد ہلاک ہو گئے اور مہلوکین کی کل تعداد بڑھ کر 357 تک پہنچ گئی ہے۔ سیلاب متاثرین 680247 لوگ راحت کیمپوں میں رہنے کو مجبور ہیں۔ حالانکہ آج بارش سے راحت ملنے کا امکان ظاہر کیا گیا ہے جس کے بعد ریسکیو آپریشن میں تیزی آنے کی امید ہے۔ اس درمیان مرکزی حکومت سے لے کر تمام ریاستوں کی حکومتیں کیرالہ کی مدد کے لئے آگے آئی ہے۔

وزیراعظم نریندر مودی نے سیلاب سے متاثر کیرالہ کو 500 کروڑ روپے کی امداد دینے کا اعلان کیا ہے۔ وزیر اعظم مودی نے تمام مہلوکین کے لواحقین کے حق میں پرائم منسٹر رلیف فنڈ سے 2-2 لاکھ روپے دینے اور شدید طور پر زخمی لوگوں کو 50-50 ہزار روپے دینے کا اعلان کیا ہے۔

مرکزی حکومت کے علاوہ کئی ریاستوں نے بھی کیرالہ کو امداد دینے کا اعلان کیا ہے۔ تلنگانہ نے 25 کروڑ، مہاراشٹر نے 20 کروڑ، اترپردیش نے 15 کروڑ، اتراکھنڈ نے 5 کروڑ، تمل ناڈو نے 5 کرورڑ، گجرات نے 10 کروڑ، جھارکھنڈ نے 5 کروڑ، مدھیہ پردیش نے 10 کروڑ، اوڈیشہ نے 5 کروڑ، بہار نے 10 کروڑ، ہریانہ نے 10 کروڑ، اسٹیٹ بینک آف انڈیا نے 2 کروڑ کی مالی امداد دینے کا فیصلہ کیا ہے۔

ایک نظر اس پر بھی

 ورلڈ کپ پا کر انگلینڈ جھوم اُٹھا مگر فتح کے فارمولہ پر تنقیدیں ، آئی سی سی کو متنازع ضابطے پر نظرثانی کا مشورہ دیا 

اتوار کو اعصاب شکن میچ میں انگلینڈ کی فتح سے جہاں پورا برطانیہ جھوم اٹھا ہے اور ملک بھر میں جشن کا ماحول ہے وہیں انٹر ننشنل کرکٹ کونسل (آئی سی سی ) کا وہ ضابطہ تنقیدوں کی زد پر آگیا ہے جس کی وجہ سے میچ اور بعد میں سُوپر اوور کے بھی ٹائی ہونے کے باوجودانگلینڈ کو فاتح قرار دیا گیا۔ ...

کنّور ایئر پورٹ پر 7لاکھ روپے مالیت کی چرس کے ساتھ مسافر گرفتار

کنّور ایئر پورٹ پر سنٹرل انڈسٹریل سیکیوریٹی فورس(سی آئی ایس ایف) کے افسران نے نشے کے لئے استعمال ہونے چرس کے ساتھ دوحہ قطر کے سفر پر روانہ ہونے کی کوشش کرنے والے ایک مسافر کو گرفتار کرلیا ہے اور اس کے قبضے 7لاکھ روپے مالیت کی چرس بر آمد کرلی ہے۔