عالمی یوم ِذہنی صحت پروگرام کا انعقاد:ذہنی صحت کے قوانین کا نفاذ صحیح ڈھنگ سے کرنا ضروری :منصف شیوکمار
کاروار:10/ اکتوبر (ایس اؤنیوز)ذہنی صحت مندی کے قانون موجود رہنے کے باوجود ان قوانین کاٹھیک ٹھیک نفاذ نہیں ہورہاہے ،جس کی وجہ سے معاشرتی صحت غیر متوازن ہورہی ہے اگر صحت مندی کے قانون کو مناسب طورپر نافذ کرتے ہوئے سماجی صحت مندی کو تحفظ کرنے کی سنئیر سول جج شیوکمار بی نے اپیل کی ۔
وہ یہاں ضلع انتظامیہ ، ضلع پنچایت ، ضلع قانونی خدمات بورڈ ، ضلع وکلاء تنظیم ، ضلعی محکمہ صحت عامہ ، روٹری کلب، باپوجی نرسنگ ودیا لیا، میڈیکل سائنس ادارے اور مختلف این جی اوز کے اشتراک سے منگل کو کاروار میں منعقدہ عالمی یومِ ذہنی صحت کا افتتاح کرنے کے بعد وہ خطاب کررہے تھے۔ انہوں نے کہاکہ ذہنی بیماروں کامناسب علاج کروایا جائے ، علاج کے بعد بھی مکمل صحت یابی تک ان کو علاج میں رہنا پڑتاہے، یہ سب قانون کے دائرے میں ہونے کی بات کہی۔
ضلع قانونی خدمات بورڈ کے ممبر سکریٹری ،سنئیر جج ٹی گوندیا نے حد سے زیادہ دباؤ ذہنی بیماری کا اہم وجہ سبب بتایا۔ اسی لئے روزانہ کی زندگی میں دباؤ کو کم کریں، کسی کام کو آگے نہ ڈالیں اسی وقت اس کام کو مکمل کرلیں تو صحت اچھی رہے گی۔ ذہنی بیمار کے ماہر ڈاکٹر سرویش کمار نے روزانہ پیش آنے والی پریشانیاں اور تکالیف ، غیر ضروری سوچ ، ذہنی دباؤ سے باہر نکلنے کے حل پر روشنی ڈالی۔ ضلع محکمہ صحت عامہ کے افسر جی این اشوک کمار نے افتتاحی کلمات پیش کئے۔ ضلع وکلاء تنظیم کے صدر اُدیئے این نائک نے پروگرام کی صدارت کی۔ سول جج مہیش چندرکانت ، روٹری کلب صدر راجیش ورنیکر ، سی ایچ نائک وغیرہ موجودتھے۔