کاروار:12/جون (ایس اؤنیوز)ملک بھی آج بچہ مزدوری جاری رہنا بہت بڑے دکھ اور افسوس کی بات ہے ، بچہ مزدوری کے خاتمہ کے لئے ہم تمام کو متحدہ کوشش کرنے کی ضلع سول منصف اور ضلع قانونی خدمات بورڈ کمیٹی کے صدر وٹھل دھارواڑکر نے عوام سے اپیل کی۔

وہ یہاں ضلع انتظامیہ ، ضلع بچہ مزدوری انسداد منصوبہ سوسائٹی ، ضلع قانونی خدمات بورڈ ، وکلاء تنظیم اور دیگر اداروں کے اشتراک سے منعقدہ عالمی بچہ مزدور مخالف دن کا افتتاح کرنےکے بعد خطاب کررہے تھے۔ انہوںنے کہاکہ اکثر موقعوں پر والدین غربت کی وجہ سے اپنے بچوں کو اسکول بھیجنے کے بجائے مزدور ی پر لگا دیتے ہیں، جس سے بچہ کا نہ صرف بچپن چھن جاتاہے بلکہ وہ بچہ تعلیم سے بھی محروم ہوجاتاہے۔ انہیں بچہ مزدور بنانے کے بجائے بہترین تعلیم سے آراستہ کرکے سماج کا ایک بہترین شہری بنانا والدین کی اہم ذمہ داری ہے ۔18سال سے کم عمر کے بچے جہاں کہیں مزدوری کرتے پائے جاتے ہیں ان کے والدین سے ملاقات کرکے انہیں بچوں کی تعلیم کی طرف توجہ دلانےکی کوشش کرنی چاہئے۔ سنئیر سول جج اور ضلع قانونی خدمات بورڈ کے ممبر سکریٹری ٹی گووندیا نے افتتاحی کلمات پیش کرتے ہوئے 14سال تک تعلیم حاصل کرنا بچوں کا حق ہونے کی بات کہی۔ بچے ملک کی دولت ہیں ، انہیں ہوٹلوں ، کارخانوں میں مزدور نہ بنائیں بلکہ بہتر افسر بنانےکی اپیل کی۔ وکیل راجیشوری نائک نے بچہ مزدوری کے متعلق مختلف منصوبہ جات پر روشنی ڈالتے ہوئے اپنا مقالہ پیش کیا۔ ضلع مزدور افسر ترنم بنگالی نے استقبال کیا۔ مزدور سوسائٹی کے منصوبہ جات افسر کرکپا میٹی نے نظامت کی۔ کے ڈی ڈی سی کے ڈائرکٹر فادر ایمبروس فرنانڈیز، کاروار ہوٹل اینڈ ریسٹورنٹ سنگھ کے صدر شیام سندر بسرور وغیرہ موجود تھے۔