کاروار:نوجوانوں کو بری راہ پر لے جانے والی شراب دکان نہیں چاہئے : دیہی خواتین کا ڈی سی سے پرزور مطالبہ
کاروار:28/جون (ایس اؤنیوز)ضلع میں شراب پر پابندی عائد کرنے کا مطالبہ لے کر کئی مقامات پر وقفہ وقفہ سے احتجاج اور ڈی سی سمیت اعلیٰ افسران کو میمورنڈم دینےکا سلسلہ جاری ہے۔ خاص کر اس معاملے میں خواتین بڑھ چڑھ کر شریک ہونا بہتر سماج کے لئے خوش آئند بات ہے۔ اسی کے تحت کاروار تعلقہ ملاپور دیہات کی خواتین نے منگل کو ضلع ڈپٹی کمشنر سے ملاقات کرتے ہوئے دیہات میں شراب کی دکان (بار) کو منظوری دینے کا مطالبہ لےکر میمورنڈم سونپا۔
میمورنڈم میں خواتین کی طرف سے تحریر کیا گیا ہے کہ ہمیں اطلاع ملی ہے کہ ملاپور دیہات میں شراب کی دکان کے لئے ایکسائز محکمہ کی طرف سے منظوری دی گئی ہے، جس کی ہم سخت مخالفت کرتے ہیں۔ ہماری دیہات گزشتہ 12 سال سے غیرقانونی شراب سمیت کھلی شراب کی فروخت کاری سے دور ہے ہم اس سے نجات پاچکے ہیں، دیہی عوام نے متحدہ طورپر شراب کے خلاف جدوجہد کا پھل ہے کہ وہاں کے نوجوان بری عادتوں سے بچے ہوئے ہیں۔ شراب سے پاک دیہات ملاپور میں شراب کی دکان کھل جاتی ہے تو یہاں کےنوجوان دوبارہ بری عادتوں میں ملوث ہونگے اور ہم خو د نوجوانوں کو برائی کا راستہ کھولنے کے برابرہوگا۔ اسی لئے کسی حال میں شراب کی دکان کو منظوری نہ دیں۔ ہماری جدوجہد اور درخواست کے بعد بھی منظوری دی گئی تو سخت احتجاج کی دھمکی دی گئی ہے۔
ڈی سی کو میمورنڈ م دینے کے بعد ملاپور دیہات کی خواتین نے رکن اسمبلی ستیش سئیل سے بھی ملاقات کرتے ہوئے شراب کی دکان کو منظوری نہ دینےکا مطالبہ لے کر درخواست سونپی۔ اس موقع پر کانگریس لیڈران اشوک نائک، کے شمبھو شٹی وغیرہ موجود تھے۔