اترکنڑاضلع کے تمام تعلقہ جات میں ووٹر لسٹ کی تجدیدکاری : عوام ناموں کے اندراج، پتہ تبدیلی وغیرہ کے متعلق جانکاری دیں: ڈی سی
کاروار:5؍نومبر (ایس او نیوز) 2019کے لوک سبھا انتخابات کے پیش نظر رائے دہندگان کی فہرست(ووٹر لسٹ) کی تجدیدکاری ضلع کے تمام تعلقہ جات میں کی جارہی ہے ۔ اس سلسلے میں بی ایل اؤ گھر گھر پہنچ کر ووٹروں کی مفصل جانکاری لے رہے ہیں۔ اس سلسلے میں ہر ایک شہری ان سے بھرپور تعاون کرنےکی ضلع ڈپٹی کمشنر نے عوام سے اپیل کی ہے۔
ڈی سی نے عوام سے کہا ہے کہ بی ایل اؤ جب گھر پر پہنچیں تو ان کو پوری معلومات دیں ۔ شادی، تعلیم ، روزگار کے لئے شہر سے منتقل ہونے والے رائے دہندگان کے متعلق بھی جانکاری دینے کی بات کہی ہے۔ اس کے ساتھ ساتھ فہرست میں ناموں کی ترمیم، حذف واضافہ ، پتہ کی تبدیلی ، ناموں کا اندراج و اخراج جیسے کئی کاموں کو انجام دیا جائے گا۔ اس سلسلے میں فارم نمبر 7پُر کرکے سونپنے کی اپیل کی ہے۔ انہوں نے عوام سے کہاکہ جولوگ ضلع سے باہر چلے گئے ہیں ان کے نام خارج کرنے کہا ہے۔