محکمہ سیاحت کے زیراہتمام بے روزگاروں کو سیاحتی ٹیکسی خریدنے تعاون :اقلیتی ، پسماندہ ذات وطبقات کے امیدوار توجہ دیں
کاروار:9/ اکتوبر (ایس اؤنیوز)محکمہ سیاحت کی طرف سے ضلع کے اقلیتی ، پسماندہ ذات اور طبقات، درج فہرست ذات اورطبقات سے تعلق رکھنے والے بے روزگاروں کو تعاون کے ساتھ سیاحتی ٹیکسی تقسیم کے لئے عرضیاں مطلوب ہیں۔
سال 2017-2018محکمہ سیاحت کی جانب سے ایس سی ، ایس ٹی /ٹی ایس پی منصوبہ جات کے تحت خود کار ورزگار اختیارکرنے کے لئے اہل اسامیوں سے عرضیاں مطلوب ہیں۔ اہل اسامیوں میں اقلیتوں اور پسماندہ ذات کے 33، 21ایس سی اور 08ایس ٹی بے روزگاروں کو سیاحتی ٹیکسی خریدنے کے لئے محکمہ کی طرف سے 3،00،000لاکھ روپئے کا تعاون دیاجائے گا۔ درخواست گزاروں کے لئے 08نومبر 2017کی شام 5بجے تک محکمہ سیاحت کے دفتر میں عرضی سونپنے کی آخری تاریخ ہے۔
مستفیدین کو 5فی صد رقم ادا کرنی ہے ، بقیہ رقم بینک کے ذریعے بطور قرض فراہم کی جائے گی ۔ امیدوار کو 10ویں جماعت میں کامیاب ہونا ہے ، 20سے 40سال کی عمر ہو۔ اہلیت، ضروری دستاویزات اور شرائط کے مطابق عرضی فارم پُر کرکے دونقول کے ساتھ سونپنے کی محکمہ کے نائب ڈائرکٹر کی طرف سے جاری کردہ پریس ریلیز میں جانکاری دی گئی ہے۔