اُترکنڑا میں ڈینگو بخارسے متاثرہ36 بیمار زدوں میں 25افراد باہر سے آنے والے مریض ہیں : رواں سال ڈینگو کی شرح میں کمی

Source: S.O. News Service | By Abu Aisha | Published on 10th August 2017, 10:54 PM | ساحلی خبریں |

بھٹکل:10/اگست (ایس اؤنیوز)بارش کی کمی و بیشی کی وجہ سے ڈینگو ، ملیریا جیسی بیماریوں میں اضافہ ہورہاہے ہر طرف دور دورہ ہے لیکن گذشتہ سال سے موازنہ کریں تو اترکنڑا ضلع میں اس کی شرح میں کمی آئی ہے۔ اب تک ضلع میں جو ڈینگو بخار  کے معاملات درج ہوئے ہیں ان میں سے اکثر باہر کے لوگ ہی متاثر پائے گئے ہیں۔ روزگار کو لے کر مختلف مقامات سے واپس  لوٹنےوالوں نے اپنے ساتھ اس بیماری کو ساتھ لایا ہے۔ اسی سے مسئلہ پیدا ہواہے۔ محکمہ صحت عامہ کی طرف سے ملی جانکاری کے مطابق 8اگست تک 36افراد ڈینگو سے متاثرہوئے ہیں تو ان میں سے 25لوگ باہر سے لوٹ کر آنے والے ہیں۔ دیگر ریاستوں اور اضلاع سے جو لوگ روزگار کے لئے واپس ضلع میں پہنچے ہیں تو انہوں نے اپنے ساتھ اس بخار کو بھی لایا ، جس کے نتیجے میں وہ  ضلع کے مختلف اسپتالوں میں زیر علاج ہیں۔ ساحلی پٹی پر ماہی گیر ی کے لئے بھٹکل کے عوام اکثر دکشن کنڑا اور اُڈپی  جاتے آتے رہتے ہیں، اور وہیں یہ لوگ  ڈینگو  بخار لے کر ضلع کو لوٹتے ہیں۔

محکمہ صحت عامہ سے ملی جانکاری کے مطابق امسال جولائی تک 118افراد ڈینگو بخار میں مبتلا پائے گئے، ان متاثرہ افراد میں سے 108مریضوں کے خون کی جانچ کی گئی  تو 33افراد ڈینگو میں مبتلا ہونے کی تصدیق ہوئی ۔ 9اگست تک مزید 3تین لوگ ڈینگو سے متاثر ہونے کی تصدیق ہوئی اس طرح یہ  تعداد بڑھ کر 36تک پہنچ گئی ہے۔

محکمہ صحت عامہ کی جانکاری کے مطابق۔ بنگلوروسے 12، میسور سے 3، ساگر ، منڈیا،  ڈاونگیرہ ، ہبلی ،بیجاپور ،ہاسن ، ممبئی ،  گجرات، آندھراپردیش ، کیرلا ، سے 1،1،فرد ڈینگو سے متاثر ہوکرواپس ضلع میں  لوٹ آئے ہیں اور یہاں آ کر اسپتالوں میں زیر علاج ہیں۔ یہ تما م افراد روزگار کے سلسلے میں ان مقامات کو گئے  تھے۔ سال بہ سال ملیریا اور ڈینگو کی شرح کو دیکھیں تو تصویر کچھ اس طرح بنتی ہے۔

سال 2012میں کل 316۔ 2013میں 253۔ 2014 میں 47۔ 2015 میں 86۔ 2016 میں 64 اور سال 2017کے جولائی تک 27ملیریا کے معاملات درج ہوئے ہیں۔ اعداد و شمارات پر کہاجاسکتاہے کہ اترکنڑا ضلع میں گذشتہ پانچ سالوں کے ڈینگو معاملات کا موازنہ سال رواں کے جولائی تک کریں تو بیماری سے متاثروں کی شرح میں کمی آئی ہے۔

ایک نظر اس پر بھی

بھٹکل کے ایک پٹرول پمپ میں پٹرول کی جگہ پانی بھرنے کی واردات کے بعد ایک گرفتار

کار کی ٹنکی میں پٹرول کے بجائے پانی  بھرنے  کے الزام میں پولس نے  پیر کو ایک شخص کو گرفتار کرلیا ہے جس کی شناخت  فہمان (35) کی حیثیت سے کی گئی ہے۔ پولس نے ملزم کو گرفتار کرنے کے بعد عدالت میں پیش کیا ہے جہاں سے اُسے  جوڈیشیل کسٹڈی میں  کاروار جیل بھیج دیا گیا ہے۔

یلاپور میں بائیک پھسل گئی، دو شدید زخمی

یلاپور 17 جون (ایس او نیوز) ضلع اتر کنڑا کے یلاپور نیشنل ہائی وے 63 پر ایک بائیک تیز رفتاری کے ساتھ پھسلنے کے نتیجے میں بائیک پر سوار دو لوگ بری طرح زخمی ہو گئے۔ جن کی شناخت ہبلی گنیش پیٹ کے رہنے والے محمد شاہد موراک (21) اور محمد نعیم (23) کی حیثیت سے کی گئی ہے۔

بھٹکل: مرڈیشور سمندر میں ڈوبنے والے ایک سیاح کو لائف گارڈ نے دی نئی زندگی

تعلقہ کے سیاحتی مقام مرڈیشور میں آج بنگلور کے ایک سیاح کو لائف گارڈ نے   ڈوبنے سے بچالیا اور ایک نئی زندگی عطا کی جس کی شناخت  یوراج (36) کی حیثیت سے کی گئی ہے۔ وہ بنگلور کے سری رام پورا کا رہنے والا ہے۔

دبئی ۔مینگلور ایئر انڈیا فلائٹ کوچی ایئر پورٹ کی طرف موڑ دیا گیا۔ عید کے لئے مینگلور پہنچنے والے مسافروں نے کیا رن وے پر احتجاج

دبئی سے آنے والی ایئر انڈیاایکسپریس فلائٹ AIE 814کومنگلورو ایئر پورٹ کے بجائے کوچی ایئر پورٹ پر لینڈ کرانے سے ناراض مسافروں نے کوچی ایئر پورٹ کے رن وے پر احتجاجی مظاہرہ کیا اور ایئر انڈیا کے کوتاہی اور غفلت پر سخت برہمی کا اظہار کیا۔

بیندوراوتینانی میں پہاڑی کا کھسکنا شاہراہ کی تعمیراتی کمپنی کے لئے دردِسر۔ حل تلاش کرنے کمپنی پہنچی راگھویندرا مٹھ میں!

نیشنل ہائی وے توسیعی منصوبے کے تحت بیندور کے وتّی نینی علاقے میں پہاڑکو کاٹ کر راستہ بنانے کا کام رکاوٹوں کا شکار ہوتاجارہا ہے کیونکہ یہاں بار بار پہاڑی چٹانیں کھسکنے کے واقعات پیش آرہے ہیں۔ حالانکہ ٹھیکیدار کمپنی اس سے پہلے پنچاب، کشمیر اور ممبئی وغیرہ میں بہت ہی کٹھن حالات ...

اُڈپی میں بجرنگ دل کارکنوں کے حملہ میں ہلاک ہونے والے حسین ابّا کی موت کا سبب سر پر لگنے والی چوٹ۔ پوسٹ مارٹم رپورٹ میں انکشاف

ہیری اڈکا پولیس اسٹیشن کی حدود میں پیراڈور کے مقام پر مویشیوں کے تاجر حسین ابّا اور اس کے ساتھیوں کی گاڑی روک کر پولیس اور بجرنگ دل کارکنان کی ملی بھگت سے 30مئی کو صبح کی اولین ساعتوں میں جو حملہ ہوا تھا اوراس کے بعد ایک پہاڑی علاقے سے حسین ابا کی لاش برآمد ہوئی تھی اس معاملے کی ...