کاروار:24/مارچ(ایس اؤ نیوز)ضلع اترکنڑا میں پلس پولیو مہم کے پہلے مرحلے کا آغاز 2اپریل سے اور دوسرے مرحلے کا 30اپریل سے ہونے جارہاہے مہم کوکامیاب بنانے کے لئے روٹری کلب، لائنس کلب سمیت تمام تنظیمیں ، ادارے اور دیگر محکمہ جات کے تعاون لیا جائے گا۔ محکمہ صحت عامہ کی طرف سے 5سال سے چھوٹے تمام بچوں کو پلس پولیو کا انجکشن دینے کے لئے اقدام کرنے کی ڈپٹی کمشنر ایس ایس نکول نے ہدایات دیں۔

ضلعی سطح کے پلس پولیو جاری کمیٹی میٹنگ میں خطاب کرتے ہوئے ڈی سی نے کہاکہ مقامی عوامی نمائندے اور گاؤں کے ذمہ داروں کو اعتماد میں لے کر بچو ں کو انجکشن دلواسکتے ہیں۔ مہم کے دوران بس اسٹانڈ، عوامی جگہوں پر بھی پولیو مراکز قائم کرسکتے ہیں اور دوسرے دن بھی گھر گھر پہنچ کر جن بچوں کو انجکشن نہیں دیا گیا ہے ان کی نشاندہی کرکے انجکشن دینے کی بات کہی۔

ضلعی صحت عامہ محکمہ کے ڈاکٹر شرد نایک نے میٹنگ میں بتایا کہ ضلع میں کل 110038بچوں کو انجکشن لگواناطئے کیا گیا ہے۔ دیہی علاقوں میں 78376اور شہری علاقوں میں 31662بچوں کی نشاندہی کی گئی ہے۔ محکمہ کی طرف سے 53 سواریاں اور 22اسکول کی سواریوں کا انتظام کیا گیا ہے ، بقیہ سواریوں کو دیگر محکمہ جات کے تعاون سے فراہم کرنے کی بات کہی۔ ڈی سی نے صحت عامہ کے تمام فسران کو ہدایات جاری کرتے ہوئے کہاکہ والدین اپنے بچوں کو انجکشن لگوا کر موذی بیماریوں سے تحفظ فراہم کرنے کے سلسلے میں بیداری جاتھا نکال کر پلس پولیو کے متعلق بیداری پیدا کرتے ہوئے ضلع میں مہم کو کامیاب بنائیں۔