کاروار:16/اکتوبر(ایس اؤ نیوز) یکم نومبر کو منائےجانے والے ریاستی تہوار ’’کنڑا راجیوتسوا‘‘ ضلعی سطح پر کاروار میں منعقد ہونے والے پروگرام میں کاروار کے تمام سرکاری عملہ لازمی طورپر شریک ہونے کی ڈپٹی کمشنر ایس ایس نکول نے ہدایات جاری کی ہیں۔
ضلع ڈی سی دفتر میں منگل کو 63ویں کنڑا راجیوتسوا منانے کے متعلق منعقد ہوئی پیشگی میٹنگ میں کہاکہ راجیوتسوا کے پروگرام میں سرکاری افسران اورعملہ لازمی طورپر شریک رہے اور اسی دن شام کو اپنی حاضر ی سند کو اپنے پاس سونپنے کی کڑک ہدایت ضلع انتظامیہ کی طرف سے منعقد کئے جانے والے دی۔ یوم ِ آزادی، یومِ جمہوریہ اور کنڑا راجیوتسوا اہم پروگرام ہیں، ان پروگراموں میں سرکاری افسران اور عملہ کا غیر حاضر رہنا صحیح نہیں ہے۔ مجھے نوٹس جاری کرنے کی زحمت نہ دینے کی اپیل کی۔ صبح 8بجے ڈی سی دفتر سے کنڑامبے رتھ کو ضلع نگراں کار وزیر پوجا کرنے کے بعد شہر میں اس کا جلوس ہوگا۔جلوس میں سرکاری محکمہ جات اپنے محکمہ جات کے ترقی جات منصوبوں کی نمائشی تصویروں کے ساتھ شریک ہونگے۔ نمائشی تصویریں صرف فلکس کے ذریعے سجانے کے بجائے انوکھے انداز میں تشکیل دینے کی ڈی سی نے اپیل کی۔ اس کے علاوہ شہر کی تمام سرکاری دفاتر اور اہم سرکلس کو بجلی قمقموں سے سجانے کی بات کہی۔ پولس میدان میں ضلع نگراں کاروزیر ٹھیک 9بجے پرچم کشائی کریں گےاور ضوابط کے مطابق کارروائی انجام دی جائے گی۔ میٹنگ میں ضلع پنچایت ایگزکیٹیو افسر ایم روشن ، ایڈیشنل ایس پی گوپال بیاکوڈ موجود تھے۔