کاروار:24/اپریل(ایس اؤنیوز) شہر کی پرانی بوسیدہ مچھلی مارکیٹ اور اس کے آس پاس کی خستہ حال عمارتوں کو بلدیہ افسران نے پیر کی صبح کارروائی کرتے ہوئے منہدم کیا۔

مچھلی مارکیٹ، مٹن مارکیٹ اور ترکاری مارکیٹ کو لے کر بلدیہ نے فیصلہ لیا تھا کہ متعلقہ عمارتوں سمیت علاقہ کی بلدیہ ملکیت والی تمام خستہ حال عمارتوں کو منہدم کرکے کروڑوں کی لاگت سے تجارتی کامپلکس تعمیر کی جائے، جس کے تحت بلدیہ نے مچھلی مارکیٹ سمیت علاقہ کی عمارتوں کو منہدم کرنے آگے بڑھے تو بیوپاریوں نے سخت اعتراض جتاتے ہوئے اس کی مخالفت میں عدالت سے امتناعی حکم لایا تھا۔ عدالت کے اسٹے آرڈر کی مدت ختم ہوتے ہی بلدیہ افسران پیر کی صبح مارکیٹ پہنچ کر انہدامی کارروائی کی تیار ی کرنےلگے تو بیوپاریوں نے مخالفت کرتے ہوئے کارروائی کو روکنے کی کوشش کی۔ اس وقت کچھ دیر کے لئے ماحول کشیدہ ہوگیا تھا حالات کے مدنظر بلدیہ افسران نے پولس سکیورٹی کو لے کر تاجروں کے سخت اعتراض کے باوجود اپنی انہدامی کارروائی انجام دی۔