کاروار:11؍جنوری (ایس او نیوز)مختلف وجوہات کی بنا پر خود کشی کئے ضلعی کسانوں کے متاثرہ خاندانوں کے گھر خود ملاقات کرتے ہوئے ان کے بچوں کی تعلیم کا انتظام کرنے ڈپٹی کمشنر ایس ایس نکول نے محکمہ زراعت کے جوائنٹ کمشنر کو ہدایات دیں۔

اترکنڑا ضلع کے مختلف محکمہ جات کی ترقی جائزہ میٹنگ میں ڈی سی نکول نے کسانوں کی خود کشی کے متعلق جانکاری حاصل کرنے کے  بعد افسران سے کہاکہ وہ متاثرہ کسانوں کے گھر خود ملاقات کریں ان کے حالات کا جائزہ لیں اور ان کے بچوں کی تعلیم کے لئے سہولیات فراہم کریں خاص کر اقامتی اسکولوں میں داخلے کے لئے سہولت مہیا کرنے کی ہدایات دیں۔

گزشتہ تین برسوں میں اترکنڑا ضلع میں 6کسانوں نے خود کشی کی ہے جن میں دو معاملات کو منظور کیاگیا ہے ان میں سے ایک کو 5لاکھ روپئے معاوضہ ادا کئے جانے کی جانکاری دی گئی ۔ ڈی سی نے کہاکہ اگلے 15دنوں میں اس تعلق سے مکمل جانکاری روانہ کرنے کی بات کہی۔ میٹنگ میں محکمہ زراعت کے جوائنٹ کمشنر نے بتایاکہ ضلع میں اچانک موت کا شکار ہونے کے کل 27 معاملات   پیش آئے ہیں۔ جن میں سے 16متاثرین کو ایک ایک لاکھ روپئے معاوضہ ادا کیاگیا ہے اس کے علاوہ پردھان منتری کرشی سنچیا منصوبے کے تحت 96فی صد کارکردگی اور فصل کے نقصانات کے متعلق جانکاری دی ۔  سماجی فلاح وبہبودی، پسماندہ طبقات، پچھڑی ذات، اقلیتی وغیرہ کے مختلف محکمہ جات نے بھی کارکردگی کی جانکاری دی۔ میٹنگ میں ضلع پنچایت سی ای اؤ محمدروشن، ایس پی ونایک پاٹل ، اپر ڈی سی ڈاکٹر سریش اٹنال ، آئی اے ایس پروبیشنری دلیش وغیرہ موجود تھے۔