کاروار میں کراولی میراتھن کا تین زمروں میں مقابلہ : سائمن اور ارچنا اول
کاروار:10؍ڈسمبر (ایس او نیوز) اترکنڑا ضلع میں ہرسال منائے والے’ کروالی اتسوا‘کی مناسبت سے اتوار11ڈسمبر 2018 کو ساحل ِ سمندر رابندر ناتھ ٹیگور بیچ پر منعقدہ ’’کروالی رن میاراتھان‘‘(21کلو میٹر) کے مردوں کے زمرے میں سوڈان کے سائمن اور خواتین کے زمرے میں میسور کی ارچنا نے وال مقام حاصل کیا ہے۔
مردوں کے میاراتھان میں کنیا کے پیٹر دوم اور بنگلورو کے ننجڈپا سوم مقام پایا تو خواتین میں کاروار کی میگھا دوم اور کینیا کی ناؤومی سوم مقام حاصل کیا ہے۔ میاراتھان میں اول مقام حاصل کرنے والوں کو 30ہزار روپئے ، دوم 20ہزارروپئے اور سوم کو 15ہزار روپیوں کے نقد چک مع ٹرافی سے نوازا گیا ۔ آدتیا برلا گراثیم انڈسٹریز کی اسپانسرشپ میں منعقدہ میاراتھا ن تین الگ الگ زمروں میں تقسیم کیاگیا تھا۔ 21کلومیٹر، 10کلومیٹر اور 3کلومیٹر فاصلے کا مقابلہ ہوا۔
10کلومیٹر دوری مقابلے کے مردوں کے زمرے میں ایتھوپیا کے اسحق اول، کینیا کے مارٹن دوم اور کاروار کے شیواجی سوم تو خواتین کے زمرے میں کاروار کی پرشیلا اول، بنگلورو کی شالنی دوم اور بنگلورو کی شانتنی سوم مقام حاصل کرتے ہوئے بالترتیب 20ہزار روپئے ، 15ہزار روپئے اور 10ہزاروپیوں کا نقد چک مع ٹرافی کا انعام جیتا۔ 3کلومیٹر دوری مقابلے میں کاروار کی فیروزہ ، بھوانی ،پرنسپل آدتیا،شیوناگ، گبش کو 1000ہزاروپئے کا گفٹ بطور انعام دیا گیا۔
میاراتھان مقابلے میں حصہ لینے کے لئے 1200سے زائد کھلاڑیوں نے اپنا نام درج کروایا تھا۔ قریب 300مساہمین نے میاراتھان میں شریک ہوکر اپنے کھیل جذبات کا مظاہرہ کیا۔ میاراتھان میں شریک ہوئے تمام مساہمین کو ٹی شرٹ دی گئی تھی۔ کئیگا اٹومک پلانٹ کے قریب 300افراد کی ٹیم دوڑ میں شریک تھی۔
اترکنڑا ضلع نگراں کار وزیر آر وی دیش پانڈے نے میاراتھان کا افتتاح کرنےکے بعد خطاب کیا۔ آدتیا برلا گراثیم انڈسٹریز کے زونل مینجر پی بی دکشھت،کئیگا پاور پلانٹ کے افسر ایم شیشیا، بحریہ فوج ،کرناٹکا فلاگ افسر( ایف اوکے )کے جے کمار، ڈپٹی کمشنر ایس ایس نکول ، ضلع پنچایت ایگزکیٹیو افسر محمد روشن اور رکن اسمبلی روپالی نائک موجود تھے۔ بنگلورو بلس کبڈی ٹیم کے کوچ بی سی رمیش نے افتتاحی تقریب میں شریک تھے۔
