کاروار: ضلعی سطح کے یوتھ فیسٹول کا منظم انداز میں اہتمام کرنے چیف ایگزی کوٹیو آفسرمحمدر وشن کی ہدایت
کاروار:11؍ڈسمبر (ایس او نیوز)جنوری کے پہلےہفتہ میں منائے جارہے ضلعی سطح کے یوتھ فیسٹول کو بہت ہی منظم انداز میں اہتمام کئے جانےکے متعلق ضلع پنچایت ایگزیکٹیو آفیسر محمد روشن نے افسران کو ہدایات دیں۔
منگل کو ضلع پنچایت سبھا بھون میں منعقد ہوئی ضلعی سطح کی یوتھ فیسٹول پیشگی میٹنگ کی صدارت کرتےہوئے انہوں نے بتایا کہ تعلقہ کے آمدلی پی یوکالج کے صحن میں یوتھ فیسٹول منایا جائے گا۔ فیسٹول کے تمام پروگرام پوری طرح منظم اور نظم و ضبط سے ہوں۔ مندوبین کو خاص کر نوجوانوں کو لذیذ اور پاکیزہ غذا کا انتظام کریں ، صاف شفاف پینے کاپانی مہیا کرایا جائے۔
یوتھ فیسٹول کے دعوت ناموں کو لے کر انہوں نےکہاکہ پروٹوکول کے مطابق تمام مہمانوں کو دعوت دیں اور مقابلہ جات میں حصہ لینے والے فنکاروں کو اول ، دوم اور سوم کے طورپر نقد اور تشجیعی انعامات کے علاوہ تمام شرکاء کو سند بھی دی جائے۔
انہوں نے آفسران سے کہا کہ یوتھ فیسٹول چونکہ دو دنوں پر مشتمل ہوگااس لئے مناسب رہائشی انتظام بھی کیا جائے اور پیارا میڈیکل ٹیم کی حاضری کو یقینی بنائیں اس کے ساتھ ساتھ اہم اور ضروری ہے کہ خواتین مساہمین کے لئے بہتر سکیورٹی فراہم کرتے ہوئے فیسٹول کو کامیاب بنائیں۔ میٹنگ میں تعلیمات عامہ کے نائب ڈائرکٹر، محکمہ یوتھ کے معاون ڈائرکٹراور ضلع و تعلقہ یوتھ محاذوں کے عہدیداران شریک تھے۔