کاروار  :یکم اگست (ایس اؤ نیوز) اترکنڑا ضلع میں گذشتہ 24گھنٹوں میں کل 73.3ملی میٹر بارش کی پیمائش کی گئی ہے۔ اگست کے مہینےمیں  شرح کے مطابق بارش کی پیمائش 609ملی میٹر ہے  جب کہ اب تک 6.7بارش ہوئی ہے۔پچھلے 24گھنٹوں میں ضلع میں سب سے زیادہ سداپور میں 16.8 م م اور بھٹکل میں سب سے کم  0م م بارش ہونے کی جانکاری محکمہ موسمیات سے دی گئی ہے۔

محکمہ موسمیات نے جانکاری دی ہے کہ شراوتی علاقوں میں مسلسل بار ش برسنے کی وجہ سے سے  لنگن مکی ڈیم کی طرف بے تحاشہ پانی کا بہاؤ ہورہاہے۔ جب لنگن مکی ڈیم میں پانی ذخیرہ کی سطح 1819فٹ اونچائی  ہے ۔ تو 31جولائی کو ڈیم میں پانی کی سطح 1806.95فٹ تھا۔ اندرونی بہاؤ کی پیمائش 12691کیوسکس لگائی گئی ہے۔ اسی طرح پانی کا بہاؤ جاری رہا تو ڈیم میں پانی ذخیرے کی جو سطح ہے وہ جلد بھر جائے گی۔ اسی لئے ڈیم کے تحفظ کی خاطر ڈیم میں جمع ہونے والے پانی کو کسی بھی وقت باہر چھوڑا جائے گا۔ ڈیم کنارے اور شراوتی کے ساحل پر رہائش اختیار کئے ہوئے مکینوں سے کہا گیا ہے کہ وہ اپنے جانوروں کے ساتھ محفوظ مقامات پر منتقل ہوجائیں۔ اسی طرح  محکمہ بجلی کے افسران نے اپیل کی ہے کہ بارش کے موسم میں ڈیم کے نشیبی علاقے میں کشتیوں کی سواری ، ماہی گیری اور دیگر سرگرمیاں انجام نہ دیں۔