بنگلورو،11؍اکتوبر(ایس او نیوز) ریاستی لیجسلیٹیو کونسل کے لئے حال ہی میں بلا مقابلہ منتخب اراکین کونسل کانگریس ایم سی وینو گوپال اور جے ڈی ایس کے رمیش گوڈا نے آج اپنی کونسل رکنیت کا حلف لیا۔ کونسل کے عبوری چیرمین بسوراج ہوراٹی نے ان دونوں اراکین کو رکنیت اور رازداری کا حلف دلایا۔ نائب وزیر اعلیٰ ڈاکٹر جی پرمیشور، وزیر زراعت شیوشنکر ریڈی، رکن اسمبلی ایس پی سوم شیکھر، منی رتنا اور دیگر اہم شخصیات اس موقع پر موجود تھیں۔ کونسل کے لئے منتخب ایک اور رکن نصیر احمد نے آج حلف نہیں لیا۔ اس موقع پر رمیش گوڈا نے بعض میڈیا چینلوں کے خلاف ان کی طرف سے درج مقدموں کے متعلق سوالات کا جواب دینے سے گریز کیا اور کہاکہ یہ معاملہ ان کے وکیل سنبھال رہے ہیں اسی لئے ٹی وی چینلوں کی طرف سے ان پر جو الزامات لگائے گئے ہیں ان کا جواب وہ عدالت میں ہی دینا مناسب سمجھیں گے۔ اس کے ساتھ ہی انہوں نے دیگر امور پر بھی ذرائع ابلاغ سے بات کرنے سے انکار کردیا۔
ایک نظر اس پر بھی
’جاؤ پھانسی لگا لو‘ کہہ دینے کو خودکشی کے لیے اکسانا قرار نہیں دیا جا سکتا: کرناٹک ہائی کورٹ
کرناٹک ہائی کورٹ نے خودکشی کے ایک معاملے میں اہم فیصلہ دیا ہے۔ عدالت نے کہا کہ کسی نے اگر کسی کو کہہ دیا کہ جاؤ پھانسی لگالو، اس کے صرف اتنا کہہ دینے کو خودکشی کے لیے اکسانے کے زمرے میں نہیں رکھا جا سکتا ہے۔ یہ فیصلہ جسٹس ایم ناگ پرسنّا کی عدالت نے قابل اعتراض بیانات پر مشتمل ...
پرجول سیکس معاملہ کو لے کر ششی تھرور نے کہا؛ اس کی بازگشت ملک بھر میں سنائی دے گی، بی جے پی کو صفائی دینا ہوگامشکل
کانگریس کے سینئر لیڈر ششی تھرور نے کہا ہے کہ جنتا دل (ایس) کے رکن پارلیمنٹ پرجول ریونا کے حق میں مہم چلانے کے بعد بی جے پی کے لیے وضاحت دینا مشکل ہو جائے گا اور اس 'سیکس سکینڈل' کی بازگشت نہ صرف کرناٹک بلکہ لوک سبھا میں بھی ہوگی۔ انتخابات کے باقی مراحل پورے ملک میں سنائے جائیں گے۔
کرناٹک: پرجول ریونّا سیکس اسکینڈل معاملہ میں اب ایچ ڈی ریونّا کے خلاف بھی درج ہوئی ایف آئی آر، عصمت دری اور اغوا کا الزام
کرناٹک سیکس اسکینڈل معاملے میں سابق وزیر اعظم ایچ ڈی دیو ے گوڑا کے بیٹے رکن اسمبلی ایچ ڈی ریونّا کے خلاف کرناٹک پولیس نے عصمت دری اور اغوا کی ایف آئی آر درج کی ہے۔ متاثرہ خواتین میں سے ایک کے بیٹے نے پولیس میں اپنی ماں کے اغوا کی شکایت درج کرائی ہے جس کے بعد ایچ ڈی ریونّا کے ...
بھٹکل کے معروف جے ڈی ایس لیڈر عنایت اللہ شاہ بندری نے تھاما کانگریس کا ہاتھ
بھٹکل کے معروف سیاسی و سماجی قائد، جے ڈی ایس لیڈر ، مجلس اصلاح و تنظیم کے صدر جناب عنایت اللہ شاہ بندری نے جنتا دل ایس سے چھٹکارہ حاصل کرتے ہوئے کانگریس کا ہاتھ تھام لیاہے۔
منڈگوڈ میں سدارامیا نے کہا : بی جے پی جھوٹ کا کارخانہ اور مودی جھوٹوں کے سردار
منڈگوڈ میں کانگریس کی طرف سے منعقدہ پرجا دھونی - ۲ اجلاس سے خطاب کرتے ہوئے وزیر اعلیٰ سدا رامیا نے بی جے پی اور وزیر اعظم نریندرا مودی پر تیکھے وار کرتے ہوئے کہا کہ بی جے پی جھوٹ کا کارخانہ تو وزیر اعظم مودی جھوٹوں کے سردار ہیں ۔ جھوٹ ہی ان کا خاندانی بھگوان ہے اس لئے ان پر اعتبار ...
سیکس اسکینڈل: ریونّا کی گرفتاری کے لیے لُک آؤٹ سرکلر جاری، مزید ایک خاتون نے درج کرائی شکایت
ایک طرف لوک سبھا انتخاب کی سرگرمیاں جاری ہیں، اور دوسری طرف کرناٹک میں ریونّا سیکس اسکینڈل نے ہلچل مچا رکھی ہے۔ کئی خواتین پر جنسی استحصال کرنے کے الزامات کا سامنا کر رہے سابق وزیر اعظم ایچ ڈی دیوے گوڑا کے پوتے پرجول ریونّا کی مشکلات بڑھتی ہی جا رہی ہیں۔ تازہ ترین خبروں کے ...