جوئیڈا میں لوک سبھا انتخابات کے پیش نظر غیرقانونی سرگرمیوں پر قدغن : سواریوں کی تلاش جاری

Source: S.O. News Service | By Abu Aisha | Published on 15th March 2019, 7:47 PM | ساحلی خبریں |

جوئیڈا :14؍مارچ (ایس او نیوز) لوک سبھا انتخابات کو دیکھتے ہوئے بیرونی ریاستوں کے اضلاع سے رقم اور شراب  سپلائی پر کڑی نگاہ رکھتے ہوئے تعلقہ انتظامیہ نے رام نگر، انموڈ وغیرہ مقامات پر تلاشی کاکام جاری رکھے ہوئے ہے۔

گوا ریاست سے تعلقہ کے انموڈ چک پوسٹ،بلگام شاہ راہ سے  رام  نگر سے ہوتے ہوئے غیر قانونی شراب اور رقم سپلائی ہونے کا خدشہ ہونے کی وجہ سے جوئیڈا کے محکمہ تحصیل اور رام نگر کی پولس اور ایکسائز محکمہ کا عملہ مشترکہ طورپر چک پوسٹ پر کڑی نگاہ  دیکھی جارہی ہے۔

اترکینرا لوک سبھا حلقہ اترکنڑا ضلع اور بلگام ضلع کے کتور، کھانا پور تعلقہ جات پر مشتمل ہونے کی وجہ سے گوا اور بلگام شاہراہوں سے ضلع میں  غیر قانونی طورپر رقم اور شراب سپلائی ہوسکتی ہے، اسی لئے ضلع انتظامیہ کی ہدایات کے مطابق جوئیڈا تعلقہ انتظامیہ کی طرف سے رام نگر میں بلگام شاہراہ پر مختلف مقامات پر محکمہ جات کے افسران کو نامزد کرتے ہوئے تمام سواریوں کی کڑی تلاشی لی جارہی ہے۔ اسی طرح پڑوسی کھانا پور تعلقہ کے لونڈا سرحد پر بھی تعلقہ انتظامیہ کی طرف سے جانچ کی جارہی ہے۔رام نگر میں گوا ریاست کی بھاری وزنی سواریوں پر پابندی ہونے کی وجہ سے اس راستہ پر غیر قانونی سرگرمیوں کی شرح میں کمی ہوسکتی ہے، اسی راستے پر چار پہیہ سواریوں کو ممنوع قرار دئیے جانے سے غیرقانونی سرگرمیاں کچھ حد تک کم ہوسکتی ہیں۔

کاروار ۔جوئیڈا کے ذریعے ڈانڈیلی جانے والی باپیلی کراس پر بھی تعلقہ انتظامیہ کی طرف سے گیٹ لگائے گئے ہیں۔ یہاں بھی سواریوں کی سخت تلاش کی جارہی ہے۔ کلی طورپر تعلقہ میں کہیں سے بھی غیرقانونی  رقم اور شراب سپلائی نہیں ہو اس کی کڑی نگرانی کی جارہی ہے۔

ایک نظر اس پر بھی

شمالی کینرا پارلیمانی حلقہ : انتخابی غیر قانونی سرگرمیوں پر کڑی نگاہ رکھنے 206سی سی ٹی وی کیمروں کی نصب کاری

اپریل مئی میں منعقد ہورہے لوک سبھاانتخابات کو صاف شفا ف رکھنے  کے لئے شہری اور گاؤں کی سطح پر پہلی مرتبہ 206سی سی ٹی وی کیمروں کی نصب کاری کرتے ہوئے انتخابات کی نگرانی کی جائے گی۔

منگلورو کوسٹ گارڈنے بیچ سمندر میں پھنسے 15ماہی گیروں کو بچالیا

کاروار سمندری علاقے میں 46 ناٹیکل مایئلس کی دوری پرایمانیول کونھپّا نامی ماہی گیر کشتی کا انجن جب بیچ سمندر میں فیل ہوگیا اور اس پر موجود 11ماہی گیر مصیبت میں پھنس گئے توکنّور ڈسٹرکٹ ڈِسیاسٹر منیجمنٹ اتھاریٹی نے ڈی ایچ او کے افسران کو فوری طور پر اس کی اطلاع کردی۔

منگلورو انٹرنیشنل ایئر پورٹ پر 4.65 لاکھ روپے مالیت کاسونا ضبط۔ میگنیٹک بریس لیٹ کی شکل میں اسمگل کرنے کی کوشش ناکام

منگلورو انٹرنیشنل ایئر پورٹ پر کسٹمز افسران نے دبئی سے آنے والے ایک مسافر کے پاس سے بیرونی ملک میں تیار شدہ 24 قیراط کا 142.70گرام سونا ضبط کیا ہے جس کی مالیت کا اندازہ 4.65لاکھ روپے لگایا گیا ہے۔