ہوناور میں جوے کے اڈوں پر پولس کا چھاپہ : پانچ گرفتار
ہوناور:11؍فروری (ایس او نیوز)تعلقہ میں سماجی سطح پر غیر قانونی سرگرمیوں پر مکمل قد غن لگانے کافیصلہ لیتے ہوئے سی پی آئی چلویراجو اور انسپکٹر سنتوش کائی کنی کی قیادت میں ہوناور کی پولس لگاتار جوے کے اڈوں پر چھاپہ ماری کرتے ہوئے ملزموں کو گرفتارکررہی ہے۔ اتوار کو ایسے ہی ایک چھاپہ ماری میں 5ملزموں کو گرفتار کیاگیا ہے۔
کرکی کے پاوینکوروا ،آنگن واڑی کے قریب ساحلی علاقے میں ایک گروپ روپیوں کی بازی لگار کر’اندر باہر ‘تاش کھیلنے (اسپیٹ) کی مصدقہ خبر پر کارروائی کرتے ہوئے سی پی آئی چلویراجو اور انسپکٹر سنتوش کائی کنی اپنے عملے کے ساتھ جائے وقوع پر چھاپہ مارکر پانچ لوگوں کو اپنی تحویل میں لینے کامیاب ہوئے ہیں۔ گرفتار شدہ ملزموں کی شناخت کرشنا ہریکنتر، بدھونت ہریکنتر، منجپا ہریکنتر، دیویندر نائک، مہیش میستا بتائی گئی ہے۔ چدانند لکشمن نائک فرار بتایاگیا ہے۔ پولس نے 4200روپئے نقد اور تاش کے پتے ضبط کرلینےکے بعد کیس درج کیا ہے۔
خبر دینے والوں کو انعام : تعلقہ میں ہورہی غیر قانونی سرگرمیوں کے تعلق سے کوئی بھی اطلاع یا خبر دیتاہے تو انہیں مناسب انعام سے نوازے جانےکا سی پی آئی چلویراجو نے اعلان کرتے ہوئے ہرحالت میں خاص کر جوے کو ختم کرنےکی ٹھانی ہے۔ انہوں نے بتایا کہ جو بھی اطلاع یا خبر دے گا اس کا نام ظاہر نہیں کیاجائے گا۔ سی پی آئی نے شہر میں یا کہیں بھی غیر قانونی سرگرمیوں کو ہوتے دیکھیں تو مندرج نمبر پرعوام کو اطلاع دینے کی اپیل کی ہے۔ 9480805233سی پی آئی ہوناور۔