لاہور،11ستمبر(ایس او نیوز؍آئی این ایس انڈیا)آئی سی سی کے ڈائریکٹر جائلز کلارک نے کہا ہے کہ پاکستان میں عالمی کرکٹ کی بحالی کیلئے طویل سفرطے کرناپڑااور ورلڈ الیون کرکٹ ٹیم کا دورہ پاکستان بڑی کاوش کانتیجہ ہے،چیئرمین پی سی بی کے ساتھ پریس کانفرنس کرتے ہوئے آئی سی سی کے ڈائریکٹر جائلز کلارک کا کہنا تھا کہ پاکستانی حکومت اور عوام نے زبردست قدم اٹھایا ہے، ورلڈالیون میں شامل تمام کھلاڑی بہت پرجوش ہیں،امید ہے شائقین کی بڑی تعدادمیچ دیکھنے آئے گی،جائلزکلارک نے کہا کہ پاکستان میں عالمی کرکٹ کی بحالی یہاں کے عوام کی وجہ سے ممکن ہوئی ہے اورمیں سکیورٹی انتظامات پر پاکستانی حکومت اورسیکیورٹی اداروں کا مشکورہیں،ڈائریکٹر آئی سی سی نے کہا کہ 2011ء سے پاکستان میں سیکیورٹی صورتحال کا جائزہ لے رہے تھے،پی ایس ایل فائنل لاہور میں نہ ہوتا تو موجودہ دورہ اتنا آسان نہ ہوتا، پاکستان میں کرکٹ بحالی پرلوگ بہت خوش ہیں،جائلز کلارک نے کہا کہ ہماری نظریں اس سیریز پر ہیں ،پی سی بی،رمیزراجا کی کوششوں سے پاکستان میں انٹرنیشنل کرکٹ بحال ہورہی ہے اور میں اینڈی فلاور کومبارکباد پیش کرتا ہوں ان کے بغیر یہ ممکن نہیں تھا،انہوں نے کہا کہ حالیہ سیریزمیں پاکستانی ٹیم کی کارکردگی بہترین رہی۔