منڈگوڈ 25/اکتوبر (ایس او نیوز)موڈسالی گرام کے یلّپا پرسپاّ (67سال) نامی کسان نے کھیتی باڑی کے لئے مختلف بینکوں اور سوسائٹیوں سے لئے گئے قرض کی ادائیگی کرنے کی سہولت نہ ہونے کی وجہ سے کیڑے مار دوا کھا کرخود کشی کرلی ہے۔

کہا جاتا ہے کہ یلّپا پرتقریباً167000 روپے قرض کا بھاری بوجھ تھا، جس سے وہ رات دن پریشان رہنے لگا تھا۔جب قرض لوٹانے کا کوئی راستہ اس کے سمجھ میں نہیں آیا تو اس نے کیڑے مار دوا کھالی۔ طبیعت بگڑنے پر علاج کے لئے اسے ہبلی کیمس اسپتال لے جایا گیا، مگر علاج کارگر نہ ہونے سے اس کی موت واقع ہوگئی۔اس ضمن میں اس کی بیٹے ناگیندرنے پولیس اسٹیشن میں شکایت درج کی ہے۔پولیس معاملے کی تحقیقات کر رہی ہے۔