بی جے پی دھرم کے نام پر انتخاب لڑیں گے تو ہم ترقی کے نام پر سامنا کریں گے: آر وی دیشپانڈے
کاروار، 19جنوری (ایس او نیوز) وزیر بھاری صنعت و ضلع انچار ج مسٹر آر وی دیشپانڈے کا کہنا ہے کہ بی جے پی والے دھرم کے نام پر انتخاب لڑیں گے تو کانگریس والے ترقی کے نام پر انتخابات کا سامنا کریں گے ۔
انہوں نے کہاکہ ان کی حکومت نے ریاست میں بہت زیادہ تعمیرو ترقی کا کام کیا ہے اور اسی کی بنیا دپروہ انتخابی میدان میں اتریں گے۔انہوں نے مزید کہا کہ دھرم کے نام پر منافرت پھیلانے کا کام درست نہیں ہے۔انسان کو راکھشس بن کرنہیں انسان بن کر جینا چاہیے۔صرف امن اور بھائی چارگی سے ہی ترقی کرنا ممکن ہوتا ہے۔
دیشپانڈے نے کہا کہ کچھ لوگ فرقہ وارانہ فساد کرنے میں لگے ہوئے ہیں۔ لیکن فرقہ وارانہ فساد سے مجھے یا یڈی یورپا کو کوئی نقصان نہیں پہنچتا،بلکہ ایسے فسادات سے صرف عوام کا نقصان کا نقصان ہوتا ہے ۔ اس لئے سیاستدانوں کو اس کا احساس رہنا چاہیے۔