دہلی میں معمولی بات پر ایک اور قتل، چاروں نابالغ ملزم گرفتار

Source: S.O. News Service | By Shahid Mukhtesar | Published on 8th October 2018, 9:14 PM | ملکی خبریں | ان خبروں کو پڑھنا مت بھولئے |

نئی دہلی،8؍ اکتوبر (ایس او نیوز؍آئی این ایس انڈیا) دہلی شہر میں لوگوں میں اتنا غصہ ہے کہ چھوٹی چھوٹی باتوں کو لے کر مسلسل ہلاکتیں ہو رہی ہیں۔گزشتہ ہفتے اس طرح کے چار واقعات ہوچکے ہیں۔گزشتہ رات صرف کرایہ کے تنازعہ میں ایک آٹو ڈرائیور کا قتل کردیا گیا۔چوبیس سال کے جہانگیر عالم اپنے آٹو رکشہ میں دہلی کے خان پور علاقے سے کناٹ پلیس کے لئے چار سواریوں کو لے کر نکلا تھا۔راستے میں سواریوں سے کرایہ کو لے کر اس کا تنازعہ ہو گیا۔بس اسی بات پر آٹو میں سوار لڑکوں نے اس پر چاقو سے وار کردیا اور آٹو چھوڑ کربھاگنے لگے۔ ایک لڑکے کو اسی وقت لوگوں نے پکڑ لیا۔تھوڑی ہی دیر میں زخمی جہانگیر عالم کی موت ہو گئی۔مغربی بنگال کے رہائشی جہانگیر کے چار بچے ہیں اور وہ خاندان میں تنہا کمانے والا تھا۔وہ دہلی میں آٹھ سال سے آٹو چلا رہا تھا۔پولیس نے قتل کے الزام میں چاروں لڑکوں کو گرفتار کر لیا ہے۔گزشتہ جمعہ کو دیر رات اسی طرح موہن گارڈن علاقے میں 40 سال کے وجیندر رانا کا قتل کر دیا گیا۔ان کے بھائی کی حالت نازک ہے۔وجیندر کے ٹیمپو سے ایک کتا ٹکرا گیا تھا۔اسی بات سے ناراض کتے کے مالک انکت اس کے بھائی پارس اور تین دیگر لوگوں نے مل کر دونوں بھائیوں پر حملہ کر دیا۔اس معاملے میں پولیس نے ایک ملزم کو گرفتار کر لیا ہے۔اگر اعداد و شمار پر نظر ڈالیں تو چھوٹی چھوٹی باتوں کو لے کر اس سال اب تک 60 سے زیادہ ہلاکتیں ہو چکی ہیں۔یہ ہلاکتیں چوہے کو پھینکنے کو لے کر، راستہ پوچھنے پر، روٹی مانگنے پر، کنگھی مانگنے پر،موٹر سائیکل یا کار ٹچ ہونے پر، کھلے عام پیشاب کرنے سے منع کرنے جیسی باتوں کو لے کر ہوئی ہیں۔ماہرین کی مانیں تو لوگوں میں صبر کی کمی، غیر قانونی ہتھیاروں کے آسانی سے مل جانے، ثبوتوں کی عدم موجودگی میں کورٹ میں راحت ملنے اور کمزور پولیسنگ کی وجہ اس طرح کے جرائم م بڑھ رہے ہیں۔

ایک نظر اس پر بھی

تلنگانہ میں 19فروری کو کابینہ کی توسیع

تلنگانہ کے وزیر اعلی کے چندرشیکھر راؤ دوبارہ اقتدار میں آنے کے دو ماہ کے بعد اپنی کابینہ میں توسیع کرنے کی تیاری میں ہے اور ساری بحث اب اس بات پر ٹک گئی ہے کہ اس میں کن لوگوں کو شامل کیا جائے گا۔

بھٹکل میں مجلس اصلاح وتنظیم کی جانب سے پلوامہ دہشت گردانہ حملہ کی کڑی مذمت: تحصیلدار کی معرفت وزیراعظم کو میمورنڈم ؛کڑی کارروائی کا مطالبہ

کشمیر کے پلوامہ میں دہشت گردانہ حملے کی کڑی مذمت کرتے ہوئے مجلس اصلاح وتنظیم بھٹکل نے تحصیلدار کی معرفت وزیر اعظم نریندر مودی کو اپیل سونپتے ہوئے دہشت گردی کا کرار ا جواب دینے کا مطالبہ کیا۔

بھٹکل: شرالی میں ہائی وے کی توسیع کے دوران ہنگامہ؛ پولس کی لی گئی مدد؛ عوامی مخالفت نظرانداز؛ 30میٹرکی ہی توسیع کے ساتھ کام شروع

شرالی میں قومی شاہراہ کی تعمیر 45میٹر کی توسیع کے ساتھ ہی کی جائے ، کسی حال میں بھی توسیع کو 30میٹر تک کم کرنے نہیں دیں گے۔  مقامی  عوام کی سخت مخالفت کے باوجود ضلع انتطامیہ بدھ کو 30 میٹر کی توسیع کے ساتھ شاہراہ تعمیری کام کی شروعات کی۔