گوکرن میں سر پر پتھر گرنے سے تعمیراتی مزدور ہلاک
کمٹہ21؍مارچ (ایس او نیوز) کمٹہ کے قریب گوکرن میں ایک زیر تعمیر عمارت کی دیوار اچانک منہدم ہونے کا حادثہ پیش آیا جس میں دیوار کا ایک پتھر پاس میں کھڑے ہوئے تعمیراتی مزدوری کرنے والے نوجوان کے سر پر گرپڑا اور بہت زیادہ مقدار میں خون بہہ جانے کی وجہ سے وہ ہلاک ہوگیا۔
مہلوک نوجوان مزدورکی شناخت اشوک لچّپّا لمانی (20سال) کے طور پر کی گئی ہے، جو کہ ہاویری ضلع کے ہانگل کارہنے والا تھا اور تعمیراتی مزدوری کی تلاش میں اپنے ماموں کے بیٹے سے ملنے کے لئے گوکرن آیا ہوا تھا۔مگر یہاں گرتی ہوئی ایک دیوار نے اس کی جان ہی لے لی۔گوکرن پولیس اسٹیشن میں کیس درج کرلیا گیا ہے۔
