بھٹکل 28؍اپریل(ایس او نیوز) کانگریس صدر راہول گاندھی نے ضلع شمالی کینر اکے دورے پر انکولہ،کمٹہ اور ہوناور میں روڈ شو کیا۔ انکولہ میں 16منٹ تک پیدل چلتے ہوئے راہول نے لوگوں سے ہاتھ ملانے کے علاوہ بات چیت بھی کی۔اس موقع سے فائدہ اٹھاتے ہوئے بہت سارے لوگ راہول کے ساتھ سیلفی فوٹو لیتے ہوئے بھی نظر آئے۔

راہول گاندھی نے جمعرات کو  اپنا دوپہر کا کھاناانکولہ میں دینکر دیسائی روڈ پر واقع ہوٹل کامت پلس میں کھایا جہاں انہیں ساحلی علاقے کی خصوصی چکن ڈشس پیش کی گئیں۔کمٹہ کی طرف روڈ شو کے لئے آتے ہوئے مرجان کے مقام پر اڈپی ہوٹل کے پاس راہول کا قافلہ رکاجہاں انہوں نے چائے اور بسکٹ کا مزہ لیا۔ 

شام قریب سات بجے راہول گاندھی بھٹکل تشریف لائے، یہاں عوام الناس کے جم غفیر سے خطاب کرتے ہوئے مودی اور بی جےپی کو راست نشانہ بنایا۔ رات قریب نو بجے راہول گاندھی کا قافلہ جلسہ کے اختتام کے بعد مرڈیشور  ہوٹل میں رُکا، جس کے بعد آج جمعہ صبح مینگلور کے لئے روانہ ہوا۔