کاروار 21؍جنوری (ایس او نیوز) کاروار میں بچوں کی اداکاری کو اجاگر کرنے والا ایک ناٹک اتسوا "ابھیرنگا"کے عنوان سے منعقد کیا گیا۔ اس کا اہتمام ضلع انتظامیہ، ضلع پنچایت، بال بھون سوسائٹی اور محکمہ بہبودئ خواتین و اطفال کے اشترا ک سے کیا گیا تھا۔

اس ناٹک اتسوا کا افتتاح سبھاش سرکل پر نکڑ ناٹک ( اسٹریٹ پلے) کے ساتھ ضلع پنچایت سی ای اومسٹر ایل چندرا شیکھر کے ہاتھو ں ہوا۔اس اتسوا میں ۵ سال سے ۱۶ سال کی عمر کے بچوں نے حصہ لیا اور اپنی بہترین اداکاری کے ذریعے دیکھنے والوں کا دل جیت لیا۔ اس موقع پر محکمہ بہبودئ خواتین و اطفال کے ڈپٹی ڈائریکٹر مسٹرراجیندرا بیکل اور دیگر افسران موجود تھے۔