اُڈپی:26؍مارچ (ایس او نیوز)پیر کی رات اُڈپی پہنچیں مرکزی وزیر دفاع نرملا سیتا رامن اُڈپی کے شری کرشنا مٹھ کا درشن کرنے کے بعد پلیماری سوامی جی سے ملاقات کرتے ہوئے ان کا آشیرواد لیا۔

وزیر دفاع سیتارامن نے بی جے پی امیدوار شوبھا کرندلاجے کے پرچہ نامزدگی کے موقع پر بھی موجودتھیں۔ اپنے دورے کے درمیان میں وقت نکال کر انہوں نے گزشتہ سال 13ڈسمبر کو بحرہ عر ب میں لاپتہ ہوئے ماہی گیروں کے گھر ملاقات کرتے ہوئے خاندان والوں سے پرثہ کیا اور انہیں ہمت وحوصلہ دیا۔ خیال رہے کہ 13ڈسمبر کو سورنا تربھوج نامی ماہی گیر کشتی مچھلی شکار کے لئے سمندر میں لوٹنےکے بعد کشتی سمیت 7ماہی گیر  لاپتہ ہوگئے ہیں۔ انہوں نے خاندان والوں کو بتایا کہ آج بھی بحریہ کی طرف سے سمندر میں ماہی گیروں کی تلاش جاری ہے۔

وزیر دفاع نے سب سے  پہلے کشتی کے مالک چندرشیکھر کوٹیا ن کے گھر پہنچ کر ان کی بیوی ، والدہ وغیرہ کو حوصلہ دیا۔ جہاں گھروالوں نے نے وزیر کو دیکھتے ہی رونے لگے۔اس کے دامودر سالیان کے گھر میں ان کے والدین کی باتوں کو سماعت کیا۔   اس موقع پر بی جےپی امیدوار شوبھا کرندلاجے  نے خاندان والوں کو بتایاکہ ماہی گیروں کی تلاش کے لئے کوششیں جاری ہیں۔ جو کچھ صلاح ومشورہ دیاگیا ہے ان کو وزیر نے قبول کیاہے ۔ اس موقع پر رکن اسمبلی رگھوپتی بھٹ، لال جی منڈن ، بی جے پی لیڈران ، ماہی گیر سنگھ کے صدر ستیش کندر وغیرہ موجود تھے۔