مینگلور12/جنوری (ایس او نیوز)  مینگلور کے مضافاتی علاقہ مُلکی  کے کینّی گولی میں ایک بولیرو کار بے قابو ہوکر شامبھوی  ندی میں جا گری جس میں ایک عورت ہلاک ہوگئی ۔ البتہ کار پر سوار تین لوگوں کو بچالیا گیا ہے۔

مہلوک کی شناخت ڈیانا (45) کی حیثیت سے کی گئی ہے۔ بتایا گیا ہے کہ کار کو ڈیانا کا شوہراسٹونی مسکرنہاس چلا رہا تھا، جبکہ اس کے دو بیٹے شیلٹن اور  شمید بھی کار پر موجود تھے۔ بتایا گیا ہے کہ کار ندی میں گرتے ہی مقامی لوگ مدد کو پہنچ گئے ۔ لوگوں نے  تین لوگوں کو زندہ باہر نکالنے میں کامیاب ہوگئے، مگر خاتون جانبر نہ ہوسکی۔

حادثہ سنیچر صبح قریب 8:30 بجے پیش آیا۔