پارٹی ضابطے کی خلاف ورزی کا الزام ۔الیکشن سے پہلے ہی ضلع شمالی کینرا میں گرے بی جے پی کے چار وکٹ !

Source: S.O. News Service | By Shahid Mukhtesar | Published on 12th January 2018, 11:16 PM | ساحلی خبریں |

کاروار12؍جنوری (ایس او نیوز)پارٹی ڈسپلن کی خلاف ورزی کرنے کے الزام میں بی جے پی نے ضلع سطح کے اپنے چار اہم لیڈروں کے خلاف تادیبی کارروائی کی ہے اور انہیں پارٹی سے معطل کرنے کے احکامات جاری کیے ہیں۔

تادیبی کارروائی کی زد میں آنے والوں میں بی جے پی کے سابق ضلعی صدر پرساد کاروارکر، دیہی منڈل صدر راجن کولمبکر، ضلع سکریٹری پورنیما مہیکر اور ضلع کے خصوصی مدعو ناگراج جوشی کانام شامل ہے۔ پارٹی کے ضلعی صدر کے جی نائک نے بتایا کہ ان چاروں نے بی جے پی لیڈر وکرم آدتیہ پر بے بنیاد الزامات لگائے تھے، جس کی پاداش میں انہیں معطل کردیا گیا ہے۔ان کی جگہ پر متعلقہ عہدوں پر دوسرے لیڈروں کو فائز کرنے کے احکامات بھی جاری ہوئے ہیں۔

پریس کانفرنس کے دوران کے جی نائک نے اپنے بعض اراکین کے غیر ذمہ دارانہ بیانات اور رویے کی تفصیل بتاتے ہوئے کہا کہ نیشنل اور ریجنل پارٹیوں میں اندرونی مسائل کا ہونا عام بات ہے۔ان مسائل کو اپنے سینئر قائدین کے علم میں لاکر حل کیا جاناچاہیے ۔ اس سے ہٹ کر جھوٹے الزامات لگانا اور بیانات جاری کرنا غلط بات ہے۔ان چاروں نے جس قسم کے الزامات اوربیانات جاری کیے ہیں اس میں سچائی نہیں ہے اور اس سے بی جے پی کے وقار پر حرف آنے اور کلنگ لگانے کاکام ہوا ہے۔

ریاستی انتخابات اگلے چار مہینوں میں ہونے جارہے ہیں۔ سیاسی پارٹیاں ایک دوسرے پر کیچڑ اچھالنے کی کارروائی کا آغاز بھی کرچکی ہیں۔ایسے موقع پر بی جے پی کی طرف سے تادیبی کارروائی اور اپنے چار اہم لیڈروں کی معطلی سے ضلعی سطح پر پارٹی کے اندر تفریق اور انتشار کا آغاز ہونے کے امکانا ت بھی پیدا ہوگئے ہیں۔اور اس کے نتیجے میں انتخابات کے دن قریب تر ہونے تک اور بہت سارے موڑ آنے کا اندیشہ اپنی جگہ برقرار ہے۔ کیونکہ ایک سابق ضلع صدر کو تادیبی کارروائی کرتے ہوئے معطل کرنا ضلع میں بی جے پی کی تاریخ میں پہلا موقع بتایا جاتا ہے۔
 

ایک نظر اس پر بھی

منگلورو: ایس ایس ایل سی امتحان میں طالب علم کوملے انگلش مضمون میں59 کی جگہ 97 مارکس!

ایس ایس ایل سی اور پی یو سی وغیرہ کے پبلک امتحانات میں پرچہ جانچنے یا پھر مارکس اینٹری کرنے میں گڑ بڑ کے معاملات ہر سال سامنے آتے رہتے ہیں۔امسال بھی منگلورو سے ملنے والی ایک خبر کے مطابق سینٹ ایلوشیئس ہائی اسکول کوڈیال بیل کے ایک طالب علم ایلسٹائر کیوین بنگیرا کے ساتھ بھی ایسا ...

سیول سروس میں دلچسپی رکھنے والوں کے لئے زبردست خوش خبری؛ مینگلور میں ایس سیول سروس اکیڈمی میں دی جارہی ہے بہترین کوچنگ

  ملک کی  ایڈمنسٹریشن میں مسلمانوں کی تعداد نہ کے برابر ہونے کی وجہ سےآج پورے ملک کے مسلمانوں میں تشویش کی لہر پائی جارہی ہے ، جس کو دیکھتے ہوئے نوجوانوں میں بیداری پیدا کی جارہی ہے کہ وہ بڑی تعداد میں  ملک کی ایڈمنسٹریشن میں شامل ہوکر   ملک کی ترقی میں اپنی صلاحیتوں کو بروئے ...