ریسارٹ جھگڑے کی وجہ بی جے پی کا آپریشن کنول
بنگلورو/چامراج نگر26جنوری (ایس او نیوز)ریاستی وزیر برائے اعلیٰ تعلیم جی ٹی دیوے گوڈا نے بی جے پی پر یہ الزام لگایا ہے کہ کانگریس کے دو اراکین اسمبلی کے درمیان مارپیٹ کی اہم وجہ بی جے پی ہے ۔ بی جے پی نے ریاست میں جب سے آپریشن کنول شروع کیا تب سے حکمران پارٹیوں کے اراکین کے درمیان کش مکش جاری ہے ۔ انہوں نے بتایا کہ آنند سنگھ اور جے این گنیش بی جے پی سے ہاتھ ملانے کے حق میں تھے ۔ اس بات پر دونوں کے درمیان جھگڑا ہوا اور نوبت ہاتھا پائی تک پہنچ گئی ۔ انہوں نے یہ بھی الزام لگایا ہے کہ آپریشن کنول کے نام پر بی جے پی دیگر پارٹیوں کے اراکین اسمبلی کو لڑانے لگی ہے ، جس کی جتنی بھی مذمت کی جائے کم ہے ۔