بھٹکل سرکاری ملازمین کا خون عطیہ کے ذریعے حکومت کے این پی ایس منصوبے کےخلاف احتجاج
بھٹکل:3/ اکتوبر(ایس اؤ نیوز)’خون دیں گے مگر پنشن نہیں چھوڑیں گے‘ موضوعاتی نعرے کے تحت مرکزی حکومت کے نیشنل پنشن اسکیم(این پی ایس) غیر سائنٹفک منصوبے کے خلاف کرناٹکا راجیہ سرکاری این پی ایس ملازمین سنگھ بنگلورو(ر)تعلقہ شاخ بھٹکل کے زیر اہتمام بڑے پیمانےپر سرکاری اسپتال بھٹکل میں ’خون عطیہ ‘پروگرام کا انعقاد کرتے ہوئے انوکھے طورپر احتجاج کیا۔
سرکاری اسپتال بھٹکل ،شعبہ خون ذخیرہ اندوزی کمٹہ اور خون ذخیرہ اندوزی اُڈپی کے اشتراک سے منعقدہ احتجاجی پروگرام کا تعلقہ میڈیکل آفیسرمورتی راج بھٹ نے افتتاح کرتے ہوئے این پی ایس منصوبے کے خلاف سماجی فکر کے ایسے پروگرام کے انعقاد پر ستائش کی۔ مہمان خصوصی کے طورپر شریک ہوئے تعلقہ اسپتال کے ڈاکٹر لکمیش نائک نے خون عطیہ کے متعلق مکمل جانکاری دی۔
این پی ایس سنگھ کے ضلعی صدر گنیش ہیگڈے نے پروگرام کی صدارت کرتے ہوئے کہاکہ سرکاری ملازمین کی محنت کی کمائی انشورنس کمپنیوں کو فروخت کرنے والی پالیسی سے ملازمین کی زندگی میں اندھیرا چھارہاہے۔ حکومت کو چاہئے کہ وہ فوری طورپر اس سلسلے میں مناسب اقدامات کرتے ہوئے این پی ایس کورد کرنے کا مطالبہ کیا۔ اپنی مرضی سے خون عطیہ کئے این پی ایس سرکاری ملازمین کو پرشانت کائی کنی اور ولسن روڈریگس نے جوس اورپھل تقسیم کیا۔ قریب 150سے زائد ملازمین نے پروگرام میں شرکت کی 60سے زائد ملازمین نے خون عطیہ کرتے ہوئے احتجاج کی حمایت کی۔ پروگرام میں پُٹ راجو، روی کانت میٹرے، ایشورنائک، واسو موگیر، راگھویندر اڈیگ، پروین کمار راتھوڈ، چدانند پٹگار، گایتری نائک، نرملا پجاری وغیرہ موجود رہ کر بھر پور تعاون دیا۔ سنگھ کے سکریٹری آنند نائک نے نظامت کی۔