وژن انڈیا مشن فاؤنڈیشن بھٹکل کے زیر اہتمام بیسٹ ٹیچر ایوارڈ یافتہ نورجہاں کے اعزاز میں تہنیتی تقریب
بھٹکل:7/ اکتوبر (ایس اؤنیوز)ریاستی سطح کےسال 2017 بیسٹ ٹیچر ایوارڈیافتہ سرکاری ہائر پرائمری اسکول تنگنگنڈی کی صدر مدرسہ نوجہاں شیخ کے اعزاز میں وژن انڈیا مشن فاؤنڈیشن بھٹکل کے زیراہتمام7اکتوبر بروز سنیچر فاؤنڈیشن کے دفتر میں تہنیتی تقریب منعقد ہوئی ۔
تقریب میں صدر مدرسہ نورجہاں شیخ کی تدریسی خدمات کا اعتراف کرتے ہوئے فاؤنڈیشن کی طرف سے شال پوشی کرکے میمونٹو سے نوازتے ہوئے ان کی تہنیت کی گئی ۔ تہنیت قبول کرنے کے بعد صدرمدرسہ نے اللہ کا شکر ادا کرتے ہوئے اپنے تدریسی سفر پر روشنی ڈالی۔ پروگرام کی صدارت فاؤنڈیشن کے صدر محمد فاروق شیخ نے کی۔ نائب صدر ڈاکٹر نسیم نے استقبال کیا تو شوکت خطیب نے مہمانوں کا تعارف پیش کیا۔ اس موقع پر انجمن گرلس ہائی اسکول کی صدر مدرسہ حسینہ بانو نذیر شیخ،جے سی آئی بھٹکل کے صدر ناگراج شیٹھ، جنرل سکریٹری امجد علی شیخ وغیرہ موجود تھے۔ نذیر احمد شیخ نے شکریہ اداکیا۔