بھٹکل:12/ دسمبر(ایس اؤنیوز)تعلقہ کے سدھارتھ پی یو کالج کے سالانہ جلسے کے موقع پر تعلیمی رہنمائی پروگرام میں طلبا کے لئے ثقافتی پروگرام منعقد کرتے ہوئے ہونہار طلبا کو مختلف ایوارڈ سے نوازاگیا۔

مہمان خصوصی کے طورپر میسور کے سی ایف ٹی آر آئی کے سنئیر سائنس دان ڈاکٹر کے وینکٹیش مورتی نے پروگرام میں طلبا سے خطاب کرتےہوئے طلبا کو سائنس کے بنیادی مضامین کے مختلف ذرائع کو تحقیق کے لئے منتخب کرنے پر زور دیا اور متعلقہ مضامین پر تفصیلی روشنی ڈالی۔ اور ایک مہمان میسور ریڈ اینڈ ٹیلر ٹکس ٹائلس انڈسٹریز کے نائب صدر اشوک کمار شٹی نے کامرس طلبا کو ڈگری سطح پر کامرس کی اہمیت اور تجارتی گُر پر مفصل بات پیش کی۔مختلف مضامین کے ریاستی ماہرین رماکانت ریونکر، موظف پرنسپال رام ہیگڈے ، ایم کے نائک ، کیمسٹری کے سنئیر پروفیسر نے جے ای ای اور نیٹ امتحانات کے طورو طریقوں کی جانکاری دی ۔ نامدھاری سماج کے صدر ایم آر نائک، جے این نائک موجود تھے۔ جے ای ای امتحانات کے ذریعے سورتکل انجنئیرنگ کالج این آئی ٹی میں داخلہ پائے کالج کے طلبا سہنا نائک اور روی کرن ایم اور ایم بی بی ایس میں داخلہ لئے شلپا ٹی نائک کو انعامات سے نوازتے ہوئے انہیں اعزاز بخشا گیا۔ کالج کی پرنسپال ارچنا نائک نے کالج کی سالانہ رپورٹ کی خواندگی کی۔ سدھارتھ ایجوکیشن ٹرسٹ کے چیرمن کیپٹن کے آر نائک نے جلسہ کی صدارت کی۔ کالج کے نائب پرنسپال پرکاش کیدلائی نے شکریہ اداکیا۔ لکچرر گنپتی نائک اور اشوک نے نظامت کی۔