بھٹکل کی رکشاموگیر اٹیا پٹیا کھیل کی ریاستی ٹیم کے لئے منتخب
بھٹکل :18/ستمبر(ایس اؤ نیوز) شرالی کے سینٹ تھامس کوٹے باگیلو اسکول کی طالبہ کماری رکشا جنّا موگیر کو اٹیا پٹیا نامی کھیل کی ریاست کرناٹکا کی ٹیم کے لئے منتخب کیا گیا ہے۔ اس بات کی جانکاری بھٹکل تعلقہ اٹیا پٹیا فیڈریشن کے اعزازی سکریٹری نے پریس ریلیز کے ذریعے دی ہے۔
پریس ریلیز کے مطابق رکشا موگیر بھٹکل اٹیا پٹیا فیڈریشن کی بھی طالبہ ہے، شیوانند موگیر کی نگرانی میں تربیت پانے کے لئے وہ ریاستی ٹیم کے لئے منتخب ہوئی ہیں۔ 27ستمبر 2018سے 29ستمبر 2018تک ہماچل پردیش میں منعقد ہونےو الے 29ویں قومی سطح کے سب جونئیر اٹیا پٹیا چمپئین شپ میں وہ کرناٹکا ٹیم کی نمائندگی کریں گی۔ طالبہ رکشا کے انتخاب پر فیڈریشن کے صدر سابق رکن اسمبلی منکال وئیدیا، نائب صدر جئے شری موگیر، اسپانسر لچمیا سدمنے (جنوبی آفریقہ ) سمیت کئی ایک نے مبارکباد پیش کی ہے۔