بھٹکل:19/ جنوری (ایس اؤنیوز) شرالی کے چتراپور میں واقع سرکاری پرائمری اسکول کی زمین چتراپور مٹھ کی انتظامیہ کی تحویل میں آتی ہے۔ اسکول کے مستقبل کو دیکھتے ہوئے زمین اسکول کے نام رجسٹرڈ کرنے کاجمعہ کو منعقد کی گئی میٹنگ میں عوام نے مطالبہ کیا۔
عوام کی نمائندگی کرتے ہوئے کشور نائک نے بات کرتے ہوئے کہاکہ چتراپور اسکول کی 100سے زائد سالہ تاریخ ہے۔ اس سے قبل اسکول عمارت کو دوسری جگہ منتقلی کرنے کے دوران اسکول کے لئے الگ سے زمین مہیا کرنے کے متعلق سوامی جی اور مٹھ کے اہم شخصیات کی موجودگی میں منعقد ہوئی عوامی میٹنگ میں معاہدہ ہواتھا۔ مگر آج کو 7برس ہورہے ہیں اسکول کے نام کوئی زمین رجسٹرڈ نہیں ہوئی ہے۔ اگر اسکول کے نام کوئی زمین رجسٹرڈ نہیں ہوتی ہے توآئندہ دنوں میں اسکول کے لئے خطرہ ہوسکتاہے۔ اگرمعاہدہ کے مطابق پرانی اسکول کی عمارت خالی کرکے کوئی نئی جگہ اسکول کے نام رجسٹریشن نہیں کی گئی تو آئندہ دنوں میں سرکاری اسکول کا حق ثابت کرنا مشکل ہوجائے گا۔ اس سلسلے میں بلاک ایجوکیشن آفیسر جانکاری حاصل کرتے ہوئے ٹھوس اقدامات کرنےکا انہوں نے زور دیا۔
معاملے کو لے کر بی ای اؤ وینکٹیش پٹگار نے کہاکہ مٹھ انتظامیہ کی طرف سے کئے گئے معاہدے کی میعاد 2021تک جاری رہے گی۔ عمارت میں اسکولی سرگرمیوں کو انجام دینے کے لئے کوئی رکاوٹ درپیش نہیں ہے۔ جہاں تک آج کی میٹنگ میں لیا گیا زمین کی رجسٹریشن معاملہ کا تعلق ہے تحریری طورپر مٹھ کے ذمہ داروں کو جانکاری دی جائے گی۔ مٹھ انتظامیہ کی طرف سے حصول ہونےو الے جواب کو دیکھنے کے بعد اگلی کارروائی کرنے کی بات کہی۔ اسکول ترقی بورڈ کے صدر سبھاش کوپی کر موجود تھے۔