بھٹکل:24/ اگست (ایس اؤ نیوز) بدھ کو پی ایل ڈی بینک کے سامنے ہوئے تنازعہ اور احتجاج کو لے کر بھٹکل شہری پولس تھانے میں16سے زائد افراد کے خلاف مقدمہ دائر کردیا گیا ہے۔

ملزمان کی شناخت رام کرشنا مادیونائک وینکٹاپور، منجوناتھ لچمیا نائک بیلکے، ایرپا منجپا نائک پرورگا، کیشوو سنکپا نائک چوتھنی ، وینکٹیش سنکپا نائک چوتھنی ، گنپتی رام چندرنائک تلاند، ستیش کوپیا نائک چوتھنی ، سدھاکر واسو نائک منکولی ، رمیش سکرا نائک تلاند،وٹھل ہونپا نائک تلگوڈ، سریش ناگپا نائک ہوسمنے ، مادیو منجیا نائک ہوسمنے ، دیویندر ماستپا نائک موڈبھٹکل ، دیوی داس ناگپا نائک تیرن مکی، ناگیندر سبیا نائک سرپن کٹے ، کیشو منجپا نائک شرالی سمیت کئی افراد کو شامل کیاگیا ہے۔

 اس سلسلے میں کاروار دفتر کے اعلیٰ افسر بھاسکر ڈی نائک نے پولس کو شکایت دی تھی ۔ پی ایل ڈی بینک عہدیداران کے انتخاب  کی کارروائی باقی تھی 23اگست کو اعلیٰ افسران کے سامنے رپورٹ پیش کرنا تھا نومنتخب ممبران کو نوٹس روانہ کرنے کےلئے نوٹس تیاری کے لئے 22اگست کو پی ایل ڈی بینک کے سنئیر اکاؤنٹنٹ ، جونئیر اکاؤنٹنٹ اور جنرل مینجر کو بلا بھیج کر کام کررہے تھے، جب کہ ملزمان نے غیر قانونی  طورپر گروہ بندی کے ذریعے بینک کے صدر دروازے کو قفل لگا کر گالی گلوج کرتے ہوئے قتل کی دھمکی دینے کا شکایت میں الزام لگایاگیا ہے۔ آئی پی سی 1860،دفعہ 143،353،342،504،506،149کے تحت مقدمہ درج کرلینے کے بعد پولس جانچ کررہی ہے۔