بھٹکل :9/ اگست (ایس اؤ نیوز) حصص داروں اور ممبران کو سہولت مہیاکرتے ہوئے بھٹکل پی ایل ڈی بینک کے انتخابات کوگرام پنچایت کی سطح پر ہی منعقد کرنے کا قرضہ دار سنگھ کی طرف سے مطالبہ کیا گیا ہے۔
جمعرات کو شہر کے خانگی ہوٹل میں منعقدہ پریس کانفرنس میں بات کرتے ہوئے قرضہ دار سنگھ کے صدر گنپتی نائک جالی نےکہاکہ بینک کے انتخابات میں منتخب ہونے والے ڈائرکٹرس متعلقہ گرام پنچایتوں سے منسلک ہونگے تو حصص داروں کو اپنی ضروریات کے مطابق ان سے رابطہ کرنےمیں آسانی ہونے کی بات کہی۔ دیہی علاقوں کے کسان اپنے ڈائرکٹر کی تلاش کرنے کے لئے چکر کاٹنے سے بچ جائیں گے۔ گذشتہ سال ممبران اور سالانہ جلسےمیں دی گئی صلاح کو نظر انداز کرتے ہوئے بینک ضوابط میں ترمیم کرکے تعلقہ سطح پر انتخابات منعقد کرانا صحیح نہیں ہونےکی بات کہی۔
جن سابقہ ڈائرکٹروں پر سنگین الزامات ہیں اور ان کے متعلق عدالت میں سنوائی جاری رہتے انتخابی میدان میں ہیں۔ ہم نے جن ڈائرکٹروں اور عملے کے کیس عدالت میں ہیں اس کی مکمل کارروائی کے بعد ہی انتخابات منعقد کرنے کا مطالبہ لےکر ہم نے عدالت میں عرضی دائر کی ہے۔ انتخابات کو ملتوی نہ کرتے ہوئے متعینہ تاریخ 19اگست کو انتخابات ہوتے ہیں تو ممبران کے لئے لازمی ہے کہ وہ سوچ سمجھ کر ووٹ کریں۔ اس موقع پر ایم ڈی نائک، سلیمان ، سریش پجاری ، گنپیا گونڈ، شنکر نائک کوپا، منجپا نائک وغیرہ موجود تھے۔