بھٹکل تعلقہ ماروکیری میں پیر پھسل کر شخص ہلاک
بھٹکل:28/ نومبر (ایس اؤنیوز) تعلقہ کے ماروکیری دیہات کے سبتے نامی موضع میں ایک شخص باغ کو جوڑے گئے پمپ سٹ کے فٹ بال کو پانی ڈالنے کے دوران اچانک پیر پھسل کر تالاب میں گرنے سے ہلاک ہونے کاواقعہ پیش آیا ہے۔
مہلوک کی شناخت سبتے کے کسان منجوناتھ اپادھایئے (56)بتائی گئی ہے۔مہلوک منجوناتھ اتوار کو اپنے گھر سے متصل باغ میں پمپ سٹ کی درستی کررہے تھے، درستی کے دوران فٹ بال میں پانی ڈالنے گئے تو اچانک پیر پھسل گیااور موت واقع ہوئی ۔ مہلوک کی بیوی ، دو بچے پسماندگان میں ہیں۔ معاملے کو لے کر دیہی پولس تھانے میں کیس درج ہواہے۔ جانچ جاری ہے۔