بھٹکل:16/ اکتوبر (ایس اؤنیوز) سرکاری پی یوکالج ہڈین کے شعبہ این ایس ایس کی طرف سے ہڈین سرکاری پرائمری اسکول کے صحن میں 7روزہ کیمپ کا انعقاد ہوا۔

ہیسکام کے ڈائرکٹر منجوناتھ نائک نےپروگرام کاافتتاح کرنے کے بعد خطاب کرتے ہوئے کہاکہ کیمپ میں طلبا نظم وضبط، صبر وتحمل ، برداشت، آپسی تال میل، لیڈرشپ کی صفات سے آراستہ ہونے میں کیمپ ممد و معاون ہوتاہے۔ یلووڑی کوؤور گرام پنچایت کی صدر سوشیلا نائک نے پروگرام کی صدارت کی۔ پنچایت نائب صدر عبدالرزاق، ممبر نارائن نائک، ایرپا جے نائک، کالج ترقی بورڈ کے ممبر گنیش ہیبار، ہڈین اسکول ترقی بورڈ کے صدر کرشناسومیا نائک، اسکول کی صدر مدرسہ شالنی انکولیکر نے مہمان خصوصی کی حیثیت سے شریک تھے۔ وسنت گاؤنکر نے بھی خطاب کیا۔این ایس ایس کے آفیسر منجوناتھ نائک نے افتتاحی کلمات پیش کئے ۔ لکچرر رمانند نائک نے استقبال کیا۔ ایم کے نائک نے شکریہ اداکیا۔ طالبہ لتا اور ساتھیوں نے پرارتھنا کی ۔ گیتا ٹی نائک نے نظامت کی۔ کیمپ میں وکیل ایم جے نائک، آر جی نائک، لکچررگنیش یاجی ، لکچرر ایچ ایس گنگا، ڈاکٹر آر وی صراف، ڈاکٹر کمار موگیر مختلف موضوعات پر خیالات کااظہار کیا۔ پرنسپال وسنت گاؤنکر کی صدارت میں اختتامی تقریب کا انعقاد ہوا۔