بھٹکل:23/جون (ایس اؤنیوز)تعلقہ کے بینگرے میں اُسیرا انڈسٹریز کا قیام کرکے گذشتہ 25سالوں سے دستکاری اشیاء کی تیاری کرتےہوئے ملک و بیرون ملک فروخت کرنے والے کامیاب صنعت کا رخطاب پانے والے ایم ڈی میاتھیو کو چھتیس گڑھ کی حکومت نے تعاون کا مطالبہ کیا ہے۔

چھتیس گڑھ حکومت کی دعوت پر ریاست کے صدر مقام رائے پور کا دورہ کرتےہوئے ایم ڈی میاتھیو نے وہاں کے پہاڑی عوام اور آدی باسیوں کو دستکاری کے متعلق جانکاری دی۔ ایک روزہ ورکشاپ میں وہاں کے فاریسٹ وزیر ، فاریسٹ محکمہ کے سکریٹری سمیت محکمہ کے اعلیٰ افسران بھی شریک تھے۔ میاتھیو کے بھاشن کی پرشانت میاتھیو نے ترجمانی کی۔ میاتھیو تعلقہ کی سیکڑوں غریب عورتوں ، اپاہجوں کو دستکاری کا ہنر سکھاتےہوئے انہیں خود مختار بنانے میں اہم رول نبھایا ہے۔