انجمن انجنئیرنگ کالج بھٹکل میں ’’اسٹم ایکسپو2017‘‘ فیسٹ کا شاندار انعقاد؛ ضلع بھر کی کالجوں سے طلبہ کا بہترین پرفارمینس؛ سرسی کالج کو اول انعام

Source: S.O. News Service | By Abu Aisha | Published on 13th November 2017, 3:28 AM | ساحلی خبریں |

بھٹکل:12/ نومبر (ایس اؤنیوز) سنیچر کو انجمن کالج میں ’’اسٹم ایکسپو2017‘‘نامی فسٹ میں سائنسی نمائش اور کوئز مقابلہ کا منظم انداز میں انعقاد کیا گیا جس میں ضلع  بھر کے مختلف کالجوں کے 200سے زائد طلبا و طالبات نے حصہ لیتے ہوئے اپنے اپنے  ماڈلس پیش کئے۔

افتتاحی تقریب میں صدر انجمن عبدالرحیم جوکاکو نے انجمن کی سہولیات کا تذکرہ کرتے ہوئے کہاکہ’’ہوسکتاہے کہ دیگر کالجوں میں پڑھنے سے وہ ایک انجنئیر بن جائے ،مگر ہم جس طرح کی یہاں سہولیات فراہم کررکھی ہیں اس کے ساتھ ساتھ وہ ایک اچھے کردار اور اخلاق کا مالک بھی ہوگا۔ ہمارے ہاں طلبا و طالبات کے لئے الگ الگ کلاسوں کا اہتمام ہے۔ انہوں نے کہا کہ ہم بلاتفریق مذہب و ذات ہرایک کو تعلیمی امداد دیتے ہیں۔ جو بھی یہاں آئے گا وہ خود محسوس کرے گا کہ وہ ایک سب سے بہتر کالج میں ہے‘‘۔ اس موقع پر انجمن کے جنرل سکریٹری  صدیق اسماعیل  نے انجمن کی وسیع النظری اور فراخ دلی کا تذکرہ کرتے ہوئے بتایا کہ ہم اپنے طلبا کو ہی نہیں بلکہ دیگر کالجوں کے طلبا کو بھی موقع فراہم کرتے ہوئے انہیں ملک کا اچھا شہری بنانا چاہتے ہیں، انہوں نے اساتذہ کی کاوشوں کا تذکرہ کرتے ہوئے انہیں مبارکبادی دیتے ہوئے کہا کہ آج کا یہ فسٹ جس منظم اندازمیں منعقد کیا گیا ہے وہ اس کا ثبوت ہے۔  انجمن کے ایڈیشنل جنرل سکریٹری  محمد اسحق شاہ بندری نے طلبا و طالبات کی محنتوں سے خوش ہوکر  ان کی ستائش کی ۔

اسی دن شام میں انعامی و اختتامی تقریب کا انعقاد ہوا۔

 ایم ای ایس چیتنیا پی یوکالج سرسی کے سینکت ہیگڈے اور سوربھ ہیگڈے کے ’’کرشی ماڈل ‘‘یعنی زراعت میں کسانوں کی سہولت کے لئے بنائے گئے   ماڈل کو پہلا انعام نقد مع توصیفی سند کےساتھ عطا کیاگیا ۔ بھٹکل کانونٹ پی یوکالج کے محمد نعمان ، عاکف اظہر خان اور شیرون ڈی کوسٹا کو دوسرا انعام اور  انجمن پی یوکالج فارویمن کی ہونہار طالبات فاطمہ ظہرہ ، عجیبہ سید ، عائشہ عمینہ  کو  تیسرے انعام سے نوازا گیا۔ اسی طرح کوئز مقابلے میں ایم ای ایس کالج سرسی کے سوشانت ہیگڈے اور مہیش ہیگڈے کو اول، اسی کالج کے شری واتسا اور سمیع الرحمن کو دوم اورایس ڈی ایم کالج ہوناور کے نگنیشور ہیگڈے اور ایم بی راگھو کو  سوم انعام سے نوازا گیا۔

ایک نظر اس پر بھی

ضلع شمالی کینر ا کے سرسی اور کاروارشہروں میں وقف کمیٹی کے2دفاتر

وزیر برائے تعلیمات، اقلیتی بہبود اور اوقاف جناب تنویر سیٹھ کی جانب سے کرناٹک وقف بورڈ کے چیف ایکزیکٹیو آفیسر کو بھیجے گئے مراسلے کے مطابق اب ضلع شمالی کینرا میں وقف کمیٹیوں کے 2دفاتر ہونگے جن میں سے ایک سرسی اور دوسرا دفترکاروار میں ہوگا۔ 

یلاپور میں پرائیویٹ بس اور لاری کے درمیان خطرناک ٹکر؛ 31 مسافر زخمی

لکثری بس اور لاری کے درمیان ضلع  اُترکنڑا کے یلاپور میں پیش آئے ایک سڑک حادثہ  میں بس ڈرائیور اور لاری ڈرائیور سمیت 31 مسافر  شدید زخمی ہوگئے۔ حادثہ سنیچر اور اتوار کی درمیانی شب بسگوڈا کراس نیشنل ہائی وے 66 پر پیش آیا۔

منڈگوڈ:بی جے پی پریورتن اجلاس کے دوران جیب کتروں نے دکھائی ہاتھ کی صفائی۔ایک کارکن کی جیب سے اڑائے ایک لاکھ روپے!

منڈگوڈ شہر میں منعقدہ بی جے پی اجلاس کے دوران جیب کتروں نے اپنے ہاتھ کی صفائی دکھائی اور اجلاس میں شریک ایک کارکن کی جیب سے ایک لاکھ روپے اڑانے میں کامیاب ہوگئے۔

کار اور بس کے درمیان تصادم میں1ہلاک ،4شدید زخمی

دھرمستھلا سے سبرامنیا کی طرف جاتے ہوئے اچلمپاڈی کے قریب ایک کار اور پرائیویٹ بس کے درمیان زبردست تصادم ہوا جس کے نتیجے میں ایک شخص کی موت واقع ہوگئی اور چار افراد سنگین طور پر زخمی ہوگئے ہیں۔