بھٹکل:22/جون (ایس اؤنیوز)تعلقہ کے مریضوں کو طبی امداد کے لئے وزیراعلیٰ معاوضہ فنڈ سے منظور ہوئے رقم کو رکن اسمبلی منکال وئیدیا نے 3مریضوں میں فی کس 1لاکھ روپئے اور آفاقی حادثہ سے نقصان ہوئے 2خاندانوں میں فی کس 1لاکھ روپئے کے چک جمعرات کو منعقدہ ایک پروگرام میں مستحقین میں تقسیم کیا ۔
اس موقع پر خطاب کرتے ہوئے رکن اسمبلی نے کہا کہ آفاقی حادثات میں نقصان ہوئے خاندانوں کو راحت دینے کے لئے ریاستی حکومت نے خطیر رقومات کو منظوری دی ہے اور اسی طرح مریضوں کو طبی سطح پر اپنےا خراجات کو اداکرنےکے لئے بھی سیکڑوں لوگوں کو کروڑ روپئے سے زائد رقم تقسیم کررہی ہے۔ مجموعی طورپر وزیر اعلیٰ سدرامیا کی قیادت والی کانگریس حکومت غریبوں کے لئے کئی ایک منصوبہ جات کو جاری کی ہوئی ہے، عوام ان اسکیموں سے استفادہ کرنے کی اپیل کی۔ اس موقع پر ضلع پنچایت صدر جئے شری موگیر ، تعلقہ پنچایت صدر ایشور نائک، ضلع پنچایت ممبر سندھو بھاسکر ، وشنو دیواڑیگا، تحصیلدار وی این باڈکر وغیرہ موجود تھے۔