بھٹکل:13/مئی (ایس اؤنیوز) منگلورو کے اے جے اسپتال میں 15مئی سے 30مئی تک مفت گردوں (کڈنی)چک اپ کیمپ کا انعقاد کئے جانے کی اطلاع اسپتال کے مارکیٹنگ مینجر شیو پرساد شٹی نے دی۔انہوں نے بتایا کہ ہر دن صبح 30-09بجے سے دوپہر 30-12بجے تک ماہرڈاکٹروں کے ذریعے گردوں کی شکایت میں مبتلا مریضوں کا مفت چیک آپ کیا جائے گا۔
بھٹکل کے ایک ہوٹل میں منعقدہ پریس کانفرنس سے خطاب کرتے ہوئے انہوں نے بتایا کہ جدید سہولیات سے آراستہ اے جے اسپتال اور تحقیقی مرکز گذشتہ کئی سالوں سے بہت سارے صحت کے جانچ کیمپوں کا کامیابی کے ساتھ انعقاد کرچکا ہے اور ان کیمپوں کے ذریعے ہزاروں لوگ استفادہ کرچکے ہیں، انہوں نے عوام سے اسی طرح کڈنی جانچ کیمپ سے بھی فائدہ اٹھانے کی اپیل کی۔ کیمپ میں گردوں میں موجود پتھر، پروسٹیٹ کی تکالیف ، گردوں کی ناکامی اور گردوں کے مختلف امراض کی مفت میں جانچ کی جائے گی اور کچھ علاج کرانا ہوتو بہت ہی کم خرچ پر علاج کرایا جاسکے گا۔۔ ضرورت پڑنے پرقانون کے مطابق کم قیمت پر گردوں کو تبدیل بھی کیا جاسکتاہے لیکن گردے کا عطیہ کرنےو الے کو خود مریض لے آنا چاہئے، اور قانونی کارروائیوں کو اُنہیں خود پوری کرنا ہوگا۔
مفت کیمپ سے استفادہ کرنے والے خواہش مند افراد اپنانام وقت سے پہلے رجسٹرڈ کرنے -6613252 0824 اور 8494890600پر رابطہ کرکے اپنا نام درج کروا سکتے ہیں۔ اس موقع پر اشرف سعدا اور سماجی کارکن نذیر قاسمجی ڈائس پر موجود تھے۔