بھٹکل:23/جولائی (ایس اؤنیوز)وزیر اعظم نریندر مودی کی قیادت والی مرکزی حکومت رشوت سے پاک اقتدار بخشاہے جو ہمارے لئے آئندہ کرناٹکا میں ہونے والے ودھان سبھا انتخابات کے لئے معاون ہونے کا سابق وزیر کمار بنگارپا نے خیال ظاہر کیا۔
اتوار کو شرالی میں منعقدہ بی جے پی پارٹی کے توسیعی پروگرام میں شریک ہوکر خطاب کررہے تھے۔ انہوں نے بتایا کہ پارٹی لیڈران ہمارے لئے مثالی ہونے چاہئے۔انہوں نے بہت ہی غربت میں پارٹی کو مضبوط و مستحکم کیا ہے، اترکنڑا ضلع میں سابق وزیر اعلیٰ بنگارپا کے بے شمار حمایتی ہیں، خا ص کر ساحلی پٹی کے لوگ ہمیشہ ان کی حمایت کرتے رہے ہیں وہ لوگ اب بھی ہمارے ساتھ ہونے کا بھروسہ ہے ، اگلے 2سال انتخابی سال ہونگے ، 2018میں ودھان سبھا اور 2019میں لوک سبھا کے انتخابات کا سامنا کرنا ہے ۔ جس کے لئے پارٹی کارکنان اپنے طورپر تیاری کرلیں، اترکنڑا ضلع میں بی جے پی کے لئے بہترماحول میسر ہے اور ہم 6میں سے 6حلقوں پر بھی کامیابی حاصل کریں گے۔ ڈائس پر سابق رکن اسمبلی جے ڈی نائک، بی جے پی مقامی صدر راجیش نائک، ایم جی نائک، گوند نائک، کرشنا نائک، کاسکارڈ بینک نائب صدر ایشور نائک ،سنیل بی نائک، دنیش نائک منڈلی، وشنو نائک، رامانائک بیلکے ، نارائن نائک، رام چندر نائک وغیرہ موجود تھے۔ بی جےپی یوتھ مورچہ کے صدر لکشمن نائک نے استقبال اور شکریہ کی ذمہ داری اداکی۔