بھٹکل :22/اپریل(ایس اؤنیوز)عوام کو بنیادی سہولیات فراہم کرنے کو ترجیح دیتے ہوئے ہر گرام پنچایت کے حدود میں 10کروڑ روپیوں کے ترقی جات کاموں کو انجام دینے کا طئے کئے جانے کی بات رکن اسمبلی منکال وئیدیا نے کہی۔

وہ یہاں سنیچر کو تعلقہ کے بیلکے میں 2کروڑ 40لاکھ روپیوں کی مالیت سے تعمیر کئے جانےو الے چھوٹی بندرگاہ کا سنگ بنیاد پروگرام میں شرکت کرتے ہوئے خطاب کررہے تھے۔ انہوں نے کہاکہ جتنے بھی سرکاری کام ہیں وہ عام غریب تک پہنچنے چاہئیے اور عوام کے پیشہ کو سہولت دینا میرا اہم مقصد ہونے کی بات کہی۔ بیلکے میں طویل عرصہ سے عوام کو ستارہے پینے کے پانی کا مسئلہ حل کیا گیا ہے، یہاں کے عوام کی %90مطالبات پورے کئے گئے ہیں، بقیہ کاموں کو بھی بہت جلد انجام دینے کا تیقن دیا۔ اگلے ایک دو مہینے میں مجوزہ چھوٹی بندرگاہ کا تعمیراتی کام شروع ہوجائے گا۔ ضلع پنچایت ممبر البرٹ ڈیکوستھا نے تعمیر کئے جانے والے بندرگاہ سے ماہی گیر طبقہ کے لوگ خاطر خواہ استفادہ کرنے کی اپیل کی۔ وکیل ای ایچ ناگراج نے پروگرام کی صدارت کی۔ تعلقہ پنچایت صدر ایشورنائک، ممبر مہابلیشور نائک ، ہیسکام کے ڈائرکٹر منجوناتھ نائک کراولی، بلاک کانگریس صدر وٹھل نائک وغیرہ موجود تھے۔ شری دھر موگیر نے استقبال کیاتو وکیل درگپا موگیر نے نظامت کی۔