بھٹکل:13/اپریل (ایس او نیوز) کرناٹکا ودھان سبھا انتخابات کے پیش نظر سی آئی ٹی یو کے ضلع جنرل سکریٹری سبھاش کوپیکر نے جدید کرناٹکا کی تعمیر میں مزدوروں کے حقوق اور تحفظ کے متعلق مزدور منشور کا جمعہ کو اجراء کیا۔

اس موقع پر انہوں نے کہاکہ ودھان سبھا انتخابات میں کسی بھی پارٹی کو اکثریت ملے ، اقتدار ملے ، ہم انہی لوگوں کو مزدوروں کا منشور سونپیں گے اور ہمارے مطالبات کو قبول کرتے ہوئے نافذ کرنے کی مانگ کریں گے۔ کانگریس، بی جے پی اور جے ڈی ایس کوئی بھی پارٹی ہو ،ہم یہ منشور لے کر ان کے سامنے جائیں گے اور مزدوروں کے حقوق کو پورا کرنے کی مانگ کریں گے اگر ہماری بات قبول نہیں کی جاتی ہے تو آئندہ دنوں میں سخت احتجاج کرنے کا انتباہ دیا۔یہاں انہوں نے واضح کیا کہ سی آئی ٹی یو پارٹیوں کی تفریق کئے بغیر مزدوروں کے حق میں جدوجہد کرتی ہے۔ اس موقع پر آنگن واڑی نوکرر سنگھ کی صدر پشپاوتی نائک، سی آئی ٹی یو کی تعلقہ صدر گیتا نائک، ناگرتنا موگیر ، پدما نائک وغیرہ موجود تھے ۔