بھٹکل میں کسانوں کے درمیان تارپولین سپلائی میں تفریق کا الزام
بھٹکل:11 اکتوبر (ایس اؤنیوز)تعلقہ کے کسانوں کو تارپولین سپلائی میں محکمہ زراعت کے افسران تفریق سے کام لینے کا الزام عائد کرتے ہوئے بی جےپی لیڈران نے کسانوں کے ساتھ محکمہ زراعت کے دفتر پہنچ کر افسران کو آڑے ہاتھوں لینے کا واقعہ بدھ کو پیش آیا ہے۔
بی جےپی منڈل جنرل سکریٹری سبرائے دیواڑیگا، رام چندرنائک بینگرے وغیرہ زرعی دفتر پہنچ کر افسران کے رویہ کے خلاف سخت اعتراض جتایا ۔ گذشتہ ایک سال پہلے ہی عرضی دینے والے کسانوں کو نظر انداز کرتے ہوئے رکن اسمبلی کی سفارش پر نئے عرضی داروں کو تارپولین تقسیم کئے گئے ہیں۔ حکومت مستفیدین کے انتخاب کے لئے کوئی کمیٹی تشکیل نہیں دی ہے۔ رکن اسمبلی کو عرضی داروں کی جانکاری دینے پر ہمیں کوئی اعتراض نہیں ہے ، لیکن محکمہ زراعت کو دی گئی عرضیوں کو نظر انداز کرتے ہوئے رکن اسمبلی کی فہرست کو آنکھ بند کرکے منظوری دی جاتی ہے تو کل ہم لوگ رکن پارلیمان کے مستفیدین کی فہرست تیارکرکے دیتے ہیں کیا آپ لوگ سہولیات فراہم کریں گے کہتے ہوئے اعتراضات کی بوچھار کی۔
بی جےپی لیڈران کے اعتراضات کا جواب دیتے ہوئے زرعی افسر جی ڈی موروگوڈ ریاستی و مرکزی حکومت کے منصوبہ جات کے مستفیدین کو منتخب کرنے کے دوران متعلقہ عوامی نمائندوں کو ترجیح دینی ہوتی ہے، ایسا کرناکوئی غلط تو نہیں ہونے کی بات کہتے ہوئے اپنی حمایت کرنے لگے تو لیڈران انکار کرتے ہوئے کہاکہ حکومت کا حکم ہے تو رکن اسمبلی ہی مستفیدین کی فہرست تیار کریں، اگرایسا نہیں ہے تو پھر آپ جس رویہ کو اپنار ہے ہیں وہ ایک جرم ہوگا۔ عرضی دئیے ہوئے کسانوں کی فہرست اور مستفیدین فہرست عوام کے سامنے پیش کرو ، تب کیا کچھ ہواہے عوام کو خود معلوم ہوجائے گا۔ آپ عرضی دئیے کسانوں کے ساتھ انصاف کرنے پر زور دیا۔ اس کے بعد دفترپہنچے زرعی افسران کسانوں کو تارپولین سپلائی کے لئے ضروری اقدامات کرنے کا تیقن دیا۔