بھٹکل: اگریگولڈ ایجنٹ پر حملہ:پولس تھانے میں شکایت داخل
بھٹکل :۲۷/ستمبر (ایس او نیوز)تعلقہ کے منڈلی میں موگیرکیری کی اگریگولڈ خاتون ایجنٹ پر دو گاہکوں نے اپنا پیسہ لوٹانے کی مانگ کرتے ہوئے حملہ کئے جانے کے متعلق بھٹکل دیہی پولس تھانے میں شکایت داخل کی گئی ہے۔
شکایت کردہ کی شناخت درگما سدھاکر کرنیک کی حیثیت سے کی گئی ہےاور ملزم کے طورپر لکشمی سبرائے موگیر اور مادیو موگیر کے نام بتائے گئے ہیں۔ اگریگولڈ ایجنٹ کے طورپر کام کرنےو الی درگما نے پولس تھانے میں داخل کردہ شکایت میں کہا ہے کہ وہ اگریگولڈ کی ایجنٹ ہیں، گاہکوں سے پگمی کے طورپر رقم جمع کرکے اصول کے مطابق کمپنی کو ادا کرتی ہیں اور گاہکوں کو رسید بھی دی جاتی ہے۔ لیکن کمپنی میں مسائل ہونے کی وجہ سے رقم لوٹانے میں تاخیر ہورہی ہے ، اس دوران ملزمان اُس کے گھر پہنچے اور گالی گلوج کرنے کے علاوہ ہاتھا پائی بھی کی۔ مضافاتی پولس کے اسسٹنٹ ایس آئی بورکر نے معاملہ درج کرلیا ہے اور جانچ جاری ہے۔
SahilOnline Coastal news bulletin in URDU 27th Sep 2016:
