بھٹکل: یکم نومبر (ایس او نیوز) انجمن کالج آف ایجوکیشن بھٹکل کے زیر اہتمام 3نومبر 2018بروز سنیچر کو انجمن بی ایڈ کالج میں ’شہری تربیتی کیمپ ‘(سٹیزن ٹریننگ کیمپ) منعقد کئے  جانے کی کالج پریس ریلیز میں جانکاری دی گئی ہے۔

صبح 11 بجے انجمن حامئی مسلمین بھٹکل کے نائب صدر دوم ایس ایم سید عبدالرحمن باطنؔ افتتاحی تقریب کا افتتاح کریں گے  اور تقریب کی صدارت کریں گے۔ بھٹکل کے اے سی ایف بال چندر ایچ سی مہمان خصوصی اوراعزازی مہمان کے طورپر کمٹہ  ڈائٹ  کے اسسٹنٹ پروفیسر دیوی داس موگیر اعزازی مہمان کی حیثیت سے شرکت کریں گے۔ انجمن کے جنرل سکریٹری صدیق اسماعیل ، ایڈیشنل جنرل سکریٹری اسحق شاہ بندری ، کالج سکریٹری آفتاب قمری اور کالج پرنسپال ڈاکٹر زکیہ ایچ زرزری موجود رہیں گے۔

اس کے بعد گورنمنٹ ہائی اسکول سونار کیری بھٹکل کے آرٹ اینڈ ڈرائنگ ٹیچر مہیش نائک کی نگرانی میں  ’’آرٹ اینڈ کرافٹ‘‘ کا ورکشاپ انعقا د کیا جائے گا۔ 3بجے کے بعد ثقافتی پروگرام کے ساتھ اختتامی تقریب ہوگی جس کی صدارت انجمن کے نائب صدر عبدالرحمن باطن ؔکریں گے تو بھٹکل سب ڈویزن کے اقلیتی ایکسٹنشن آفیسر شمس الدین شیخ مہمان خصوصی ہونے کی جانکاری پریس ریلیز میں دی گئی ہے۔