بھٹکل:3/ اکتوبر(ایس اؤ نیوز) آئندہ لوک سبھا انتخابات کے پیش نظربھٹکل اور منکی کانگریس بلاک کی طرف سے سابق ایم ایل اے منکال وئیدیا کی قیادت میں تیاریاں شروع ہوگئیں۔
مرڈیشور میں بھٹکل اور ہوناور تعلقہ جات کے کارنگریس کارکنان ، لیڈران نے منکال وئیدیا کی صدارت میں میٹنگ کا انعقاد ہوا۔ اس موقع پر خطاب کرتے ہوئےوئیدیا نے کہاکہ سنئیر لیڈران کی رہنمائی میں کانگریس کو مضبوط و مستحکم کرنے کی کوششیں جاری ہیں، جس کے لئے تمام لیڈران اور کارکنان کا تعاون ضروری ہے۔ بھٹکل اور منکی میں کانگریس کی مقامی صدارت کے لئے کئی اہل لیڈران ہیں، ان میں جس کو بھی پارٹی ذمہ داری سونپے ہم تمام ان کے ساتھ متحد ہوکر پارٹی کی تعمیر میں شامل ہونے کی اپیل کی۔ میٹنگ میں ضلع پنچایت ممبران، تعلقہ پنچایت ممبران سمیت کئی لیڈران اور کارکنان حاضر تھے۔