بھٹکل :24/اکتوبر(ایس او نیوز)شری وینکٹیشور ودیا وردھک سیوا سنگھ کے زیر اہتمام پی یو اول و دوم کے طلبا کے لئے شخصی تعمیر کیمپ کا انعقاد آسارکیری نامدھاری ہال میں ہوا۔
شری ستیہ ساہی سیواٹرسٹ کے بھاسکر نائک نے انسان کے لئے ضروری اخلاق و کردار پر روشنی ڈالی تو گروسدھیندرا کالج کے نائب پرنسپال شری ناتھ پائی نے ذاتی تعمیر اور سرکاری پی یو کالج کے پرنسپال این وی گاؤنکر نے امتحان کی تیاری ، پی ڈی اؤ مہیش نائک نے پنچایت راج اور شیکھر جالی نے خصوصی لکچردیا۔ سنگھ کے صدر کے آر نائک نے پروگرام کی صدارت کی۔ مہمان خصوصی کے طورپر ساہتیہ پریشد کے صدر گنگادھر نائک، من موہن نائک، روی نائک وغیرہ موجود تھے۔ چندرشیکھر نائک نے نظامت کی ، کیمپ میں 100سے زائد طلبا نے شرکت کی۔