بیلتھنگڈی:23/جولائی (ایس اؤنیوز)کلمنج دیہات کے پجیرڈکا مقام پر پلاسٹک خیموں میں زندگی گزار رہے کورگا طبقہ کے گھروں پر محکمہ تحصیل کے افسران نے ملاقات کرتے ہوئے معائنہ کیا۔

بیلتھنگڈی کے تحصیل کمشنر روی کمار ، ولیج اکاؤنٹنٹ راگھویندر بی ایس نے کورگا خاندان کے گھروں کا دورہ کرتے ہوئے حالات کا جائزہ لیا اور وہاں مقیم کورگا اور دلت خاندان کے افراد سے مسائل کی سماعت کی۔ افسران نے بتایا کہ یہاں مقیم 5خاندان والوں کے لئے رہائشی انتظامات کرنے کا کام جاری ہے، ان کے گھروں کی تعمیر کے لئے جگہ کا تعین ہوچکاہے ، اسی طرح انہیں راشن کارڈ اور دیگر سہولیات فراہم کرنے کے لئے انتظامیہ ضروری اقدامات کرے گا۔ جب گھروں کی تعمیر کی زمین کا معاملہ حل ہوجائے گاتو ان کی تعمیر کے لئے سرکار کی طرف سے فی کس 2لاکھ روپئے کی امداد ملنے کی جانکاری دی ۔ محکمہ تحصیل افسران کے ساتھ دلت حقوگل سمنو کمیٹی کے ریاستی ممبر شیکھر ایل بھی موجود تھے۔